Wednesday, March 5, 2025

Bizler Makedoniyaǵa kelgenimizden keyin de denemiz hesh tınısh tappay, hár tárepleme qıyınshılıq kórdik: sırtta jánjel, júregimizde qorqınısh bar edi.

2 Korinfliler 7:5

Elisha oǵan: – Qorqpa, sebebi bizlerdiń tárepdarlarımız olardikinen kóp, – dedi.

4 Patshalar 6:16

Juwmaqlap aytqanda, Iyemiz benen qatnasta bolıp, Onıń qúdiretiniń kúshi menen bekkemlenip barıńlar.

Efesliler 6:10

Quday meniń qorǵanım, Jolımdı minsiz qılatuǵın da Ol.

2 Patshalar 22:33

Úyretedi qollarımdı urısıwǵa, Hám qola oq jaydı kerip tartıwǵa.

2 Patshalar 22:35

Bizler xızmetimizdi uqıplı bolǵanımız sebepli atqarıp atırmız, demekshi emespen. Bizlerdegi bar uqıp ózimizden shıqpaǵan, al Qudaydan berilgen.

2 Korinfliler 3:5

Sebepsiz maǵan tor qurdı, Meni tutıp alıw ushın, sebepsiz shuqır qazdı.

Zabur 34:7

Sońınan Elisha: «Jaratqan Iye, ol kóriwi ushın, onıń kózlerin asha gór», – dep duwa etti. Jaratqan Iye xızmetshiniń kózlerin ashtı. Sonda ol Elishanıń dógeregindegi tawlardıń otlı atlar menen sawash arbalarına tolıp turǵanın kórdi.

4 Patshalar 6:17

Jáne ne aytayın? Gideon, Baraq, Samson, Iftax, Dawıt, Samuel hám barlıq payǵambarlar haqqında aytıp otırıw ushın waqtım jetpeydi. Isenimi sebepli, olar patshalıqlardı jeńdi, ádillik ornattı, wáde etilgen nárselerdi aldı hám arıslanlardıń awızların tosıp qoydı. Lawlaǵan ottı sóndirdi, qılısh júzinen qashıp qutıldı. Hálsiregende Qudaydan kúsh aldı, sawashta qúdiretli boldı hám jaw áskerlerin qıyrattı.

Evreyler 11:32-34