Thursday, March 6, 2025

Al ol bizlerdiń qılmıslarımız ushın jaraqatlandı, Bizlerdiń jınayatımız ushın azap shekti. Tınıshlıq alıwımız ushın beriletuǵın jazanı ol aldı, Onıń jaraları bizlerge shıpa berdi. Bizlerdiń hámmemiz qoylarday joldan adastıq, Hár birimiz óz jolımızdan kettik. Jaratqan Iye oǵan hámmemizdiń qılmısımızdı júkledi.

Iyshaya 53:5-6

Ol nahaq húkim menen alıp ketildi. Xalqımnıń jınayatı ushın azaplanıp, Tiriler áleminen shıǵarıp taslandı. Onıń zamanlaslarınan qaysı biri bunı bildi?

Iyshaya 53:8

Onıń jábirlenip, azap shegiwi, Jaratqan Iyeniń qálewi edi. Onıń janı gúna ushın qurbanlıq etip berilgen waqıtta, Ol óz urpaqların kórip, ómiri uzayadı. Ol arqalı Jaratqan Iyeniń erki orınlanadı.

Iyshaya 53:10

al bizlerge de tiyisli etip jazılǵan. Bizler de Iyemiz Iysanı ólimnen tiriltken Qudayǵa degen isenimimiz benen aqlanǵan bolıp esaplanamız. Iyemiz Iysa gúnalarımız ushın ólimge tapsırılıp, Qudaydıń aldında bizlerdiń aqlanıwımız ushın qayta tirildi.

Rimliler 4:24-25

Masiyxtıń Ózi de haq bola tura, nahaqlar ushın azap shekti. Ol bizlerdi Qudayǵa alıp keliw ushın, gúnalarımız ushın bir mártebe qurban boldı. Denesi óltirilse de, Ol ruwxta tirildi.

1 Petr 3:18

Bizlerdiń gúna ushın ólip, haq bolıp jasawımız ushın, Ol gúnalarımızdı atanaq aǵashta Óz denesine júkledi. Onıń jaraqatları arqalı shıpa taptıńız.

1 Petr 2:24

Quday bizlerdiń gúnalarımızdı hesh qashan gúna islemegen Masiyxqa júkledi. Masiyx penen baylanısqa iye bolǵan bizler Quday aldında usı arqalı aqlandıq.

2 Korinfliler 5:21

13-Masiyx bizler ushın náletlengenlikten, Qudaydıń Ibrayımǵa bergen jarılqawı Masiyx Iysa arqalı basqa milletlerge nesip etedi hám bizler wáde etilgen Muxaddes Ruwxtı isenimimiz arqalı alamız. Masiyx bizlerdi Muxaddes Nızamnıń náletinen qutqardı. Óytkeni: «Aǵashqa asılǵan hár bir adam náletiy», – dep jazılǵan.

Galatiyalılar 3:13