Tuesday, March 4, 2025

Tuwısqanlar, Jaratqan Iyeniń atınan sóylegen payǵambarlardıń qıyınshılıqlarda sabırlılıq etkeninen órnek alıńlar.

Yaqıp 5:10

Olardıń basınan keshken bul waqıyalar basqalarǵa sabaq bolıwı ushın júz berdi hám sońǵı zamanlarda jasap atırǵan bizlerge eskertiw bolıwı ushın jazıldı.

1 Korinfliler 10:11

Ayup oǵan: – Sen aqılsız hayallar sıyaqlı sóylep tursań. Sonda ne, bizler Qudaydan tek jaqsılıqtı qabıl etip, jamanlıqtı qabıl etpewimiz kerek pe? – dep juwap berdi. Sonshama azap shekse de, Ayuptıń awzınan gúna bolǵanday sóz shıqpadı.

Ayup 2:10

Sonda Muwsa Xaronǵa bılay dedi: – Jaratqan Iyeniń: «Maǵan xızmet etkenlerge muxaddesligimdi kórsetemen, Pútkil xalıq aldında saltanatımdı ashaman», – dep aytqanı usı edi. Xaron úndemedi.

Lebiyliler 10:3

Samuel hesh nárseni jasırmastan, oǵan hámmesin aytıp berdi. Sonda Eliy: – Ol Jaratqan Iye-ǵo. Neni maqul kórse, sonı islesin, – dedi.

1 Patshalar 3:18

Cast your burden on Yahweh, and he will sustain you. He will never allow the righteous to be moved.

Psalms 55:22

Haqıyqatında ol, bizlerdiń keselliklerimizdi ózine aldı, Awırıwlarımızdı kóterdi. Bizler bolsa, onı Quday tárepinen jazalanıp, Urılıp, azap shegip atır, dep oyladıq.

Iyshaya 53:4

Háy, sharshap, awır júk basqanlar, hámmeńiz Maǵan kelińler! Men sizlerdi ráhátlendiremen. Moyıntırıǵımdı salıp, Mennen úyrenińler: óytkeni Men mómin hám kishipeyilmen. Solay etip, kewillerińiz tınıshlıq tabadı. Men bergen moyıntırıq ıńǵaylı, júgim jeńil, – dedi.

Matta 11:28-30