Tuesday, February 25, 2025

Arańızda Jaratqan Iyeden qorqıp, Onıń xızmetshisiniń dawısına qulaq salǵan bar ma? Qarańǵılıqta júrgenler, nurı bolmaǵanlar, Jaratqan Iyeniń atına úmit baylap, Qudayına súyensin!

Iyshaya 50:10

Sizler Meni izleysiz, eger shın júrekten izleseńiz, tabasız.

Eremiya 29:13

Sonlıqtan sizlerge aytatuǵınım: sorańlar, sizlerge beriledi. Izleńler, tabasızlar. Esikti qaǵıńlar, ol sizlerge ashıladı. Óytkeni soraǵan hár bir adam aladı, izlegen tabadı, esik qaqqanǵa ashıladı.

Luka 11:9-10

Sizler de bizler menen qarım-qatnasta bolıwıńız ushın, kórgenimizdi hám esitkenimizdi sizlerge járiyalap atırmız. Bizlerdiń qarım-qatnasımız bolsa, Áke hám Onıń Ulı Iysa Masiyx penen boladı.

1 Yuxan 1:3

Biraq burın Qudaydan uzaq bolǵan sizler endi Masiyx Iysa menen qatnas jasap, Masiyxtıń qanı arqalı Qudayǵa jaqın boldıńlar.

Efesliler 2:13

Ol arqalı bizler hámmemiz bir Muxaddes Ruwx penen Ákemiz Qudaydıń aldına bara alamız.

Efesliler 2:18

Eger Onıń menen qarım-qatnastamız dep, qarańǵılıqta júrgen bolsaq, jalǵan sóylep, haqıyqat boyınsha jasamaǵan bolamız.

1 Yuxan 1:6

Meniń sizlerge buyırǵanlarımnıń hámmesin orınlawdı olarǵa úyretińler. Minekey, Men dúnyanıń aqırına deyin hámme waqıt sizler menen birge bolaman! – dedi.

Matta 28:20

Aqshanı súyiwden awlaq bolıp jasańlar. Ózlerińizde barǵa qanaat etińler. Óytkeni Quday bılay degen: «Seni hesh qashan taslap ketpeymen, hesh qashan qaldırmayman».

Evreyler 13:5

Men Ákemnen sorayman hám Ol sizler menen máńgi birge bolıwı ushın basqa Jaqlawshını jiberedi. Ol – Haqıyqat Ruwxı. Dúnya Onı qabıl ete almaydı. Óytkeni Onı kórmeydi de, tanımaydı da. Biraq sizler Onı bilesizler. Sebebi Ol sizler menen birge jasaydı, Ol ishińizde boladı.

Yuxan 14:16-17