Tuesday, February 18, 2025

Kim haram nárseden hadal nárse shıǵara aladı? Hesh kim!

Ayup 14:4

Sen jaqsılıqtan góre, jawızlıqtı, Haqıyqattan góre, ótirikti jaqsı kóreseń. Selah

Zabur 51:5

Sizler bir waqıtları ayıp hám gúnalarıńız sebepli óli edińler.

Efesliler 2:1

Bir waqıtları bizlerdiń hámmemiz de usınday adamlardıń arasında óz gúnakar tábiyatımız boyınsha jasadıq. Denemizdiń hám oy-niyetimizdiń jaman qálewlerin orınladıq. Sol sebepten basqalar sıyaqlı bizler de tábiyatımız boyınsha Qudaydıń ǵázebine ılayıqlı adamlar edik.

Efesliler 2:3

Bizler Muxaddes Nızamnıń ruwxıy ekenin bilemiz. Al men gúnaǵa qul bolıp satılǵan, ótkinshi denege iye adamman. Men ne islep atırǵanımdı ózim túsinbeymen. Sebebi men qálegen nársemdi emes, al jek kóretuǵın nársemdi isleymen.

Rimliler 7:14-15

Meniń ishimde, yaǵnıy gúnakar tábiyatımda hesh bir jaqsı nárseniń joq ekenin bilemen. Ishimde jaqsılıq islewge qálew bolsa da, kúshim jetpeydi.

Rimliler 7:18

Dúnyaǵa bir adam arqalı, yaǵnıy Adam-ata arqalı gúna keldi, al gúna sebepli ólim keldi. Solay etip, hesh bir adam ólimnen qashıp qutıla almaytuǵın boldı. Óytkeni hámme gúna islegen edi.

Rimliler 5:12

Bir adamnıń boysınbaǵanı sebepli kóp adamlar gúnakar bolıp qalǵanınday, bir adamnıń boysınǵanı sebepli kóp adamlar aqlanadı.

Rimliler 5:19

Biraq, olar arasında úlken ayırmashılıq bar. Qudaydıń sıyı Adam-atanıń gúnasına uqsamaydı. Sebebi bir adamnıń gúnası sebepli kóp adamlar ólgen bolsa da, Qudaydıń miyrimi hám basqa bir adamnıń, yaǵnıy Iysa Masiyxtıń miyrimi menen berilgen sıydı kóp adamlar mol-molaqay etip aldı.

Rimliler 5:15

Sebebi Masiyx Iysa arqalı ómir beretuǵın Muxaddes Ruwxtıń nızamı meni gúnanıń hám ólimniń nızamınan azat qıldı.

Rimliler 8:2

Biraq, Qudayǵa shúkirler bolsın! Ol bizlerdi Iyemiz Iysa Masiyx arqalı jeńiske eristire beredi.

1 Korinfliler 15:57