Monday, February 17, 2025

Bizler endi Qudaydıń urpaǵı bolǵanımız sebepli, Quday adamnıń óneri hám aqıl-oyı menen dóretilgen altın, gúmis yamasa tas músinge uqsas dep oylamańlar.

Elshiler 17:29

Biraq, miyrim-shápáátke bay bolǵan Quday bizlerdi sonshelli súygenlikten, gúnalarımız sebepli óli bolsaq ta, bizlerdi Masiyx penen birge tiriltti. Sizler Onıń miyrimi menen qutqarıldıńız.

Efesliler 2:4-5

Sebebi bizler Qudaydıń dóretpesimiz. Ózi aldın ala tayarlaǵan jaqsı islerin islep jasawımız ushın, Ol bizlerdi Masiyx Iysa arqalı jarattı.

Efesliler 2:10

Óytkeni Quday Ózi aldınnan bilgen adamlarınıń Ulına uqsawı ushın olardı aldın ala belgiledi. Solay etip, Quday Óz Ulınıń kóp tuwısqanlar arasında tuńǵısh bolıwı ushın usılay isledi.

Rimliler 8:29

Ol bir kúni túnde Iysaǵa kelip, Oǵan: – Ustaz, Seniń Qudaydan kelgen bir muǵallim ekenińdi bilemiz. Sebebi hesh kim Quday onıń menen birge bolmasa, Sen islep atırǵan káramatlı belgilerdi isley almaydı, – dedi.

Yuxan 3:2

Oqların atıp, dushpanlardı pıtırattı, Shaqmaq shaqtırıp, olardı albıratıp tasladı.

Zabur 17:15

Jeńip shıqqan usılardı miyras etip aladı. Men onıń Qudayı bolaman, ol Maǵan perzent boladı.

Ayan 21:7

Eger bizler Qudaydıń balaları bolsaq, onda miyrasqa iye bolamız. Masiyx penen birge ullılanıw ushın, Onıń menen birge azap sheksek, onda bizler Masiyx penen birge miyrasqa sherik bolǵan Qudaydıń miyrasxorlarımız.

Rimliler 8:17