Saturday, February 15, 2025

Sen ayıplarımızdı Ózińniń aldıńa, Jasırın gúnalarımızdı júzińniń nurı aldına qoydıń. Kúnlerimiz ǵázebiń astında óter, Jıllarımız bir dem yańlı tawısılar.

Zabur 89:8-9

Mennen qorqpaysız ba? – deydi Jaratqan Iye. – Meniń aldımda qaltıramaysız ba? Men qumdı teńizge shegara, Máńgi ótip bolmaytuǵın bóget qıldım. Tolqınlar tassa da, ústine shıǵa almaydı, Shuwlasa da, onnan asıp kete almaydı.

Eremiya 5:22

Suwlardan ótkenińde, seniń menen birge bolaman, Dáryalardan ótkenińde, olar seni ıǵızıp ketpeydi. Ot ishinen júrgenińde janbaysań, Jalın seni jalmamaydı.

Iyshaya 43:2

Iysa: – Kel, – dedi. Petr qayıqtan túsip, Iysaǵa qaray suwdıń ústi menen júrip ketti. Biraq ol samaldıń kúshli ekenin kórgende qorqıp ketip, suwǵa bata baslaǵanda: – Iyem! Meni qutqar! – dep baqırdı. Iysa dárriw qolın sozıp, onı tartıp aldı da, oǵan: – Háy, isenimi az! Sen nege gúmanlandıń? – dedi.

Matta 14:29-31

Jalbarınaman Quday Taalaǵa, Men ushın iygilik qılatuǵın Qudayǵa.

Zabur 56:3