Kúndelik Jarıq

Shóldegi sınaq waqtında qozǵalań kótergen ata-babalarıńızday, Tas qılmańlar júreklerińizdi.

Evreyler 3:8

Azǵırılıwǵa túskende hesh kim: «Men Quday tárepinen azǵırılıp atırman», – demesin. Sebebi Quday jamanlıq penen azǵırıla almaydı hám Onıń Ózi de hesh kimdi azǵırmaydı. Biraq hár kim óziniń jaman qálewlerine berilip, aldanıp azǵırıladı. Keyin sol qálew hámiledar bolıp, gúnanı tuwadı. Al gúna jetilisip, ólimdi tuwadı.

Yaqıp 1:13-15

Alıp shıqtı tas túnek qarańǵılıqtan, Úzip tasladı shınjırların.

Zabur 106:14

Iysa Muxaddes Ruwxqa tolıp, Iordan dáryasınan qaytıp kelgende, Ruwx Onı shól dalaǵa alıp bardı. Sol jerde shaytan Onı qırıq kún sınadı. Ol bul kúnleri hesh nárse jemedi. Sol kúnler ótkennen soń, aqırı ash boldı. Sonda shaytan Iysaǵa: – Eger Sen Qudaydıń Ulı bolsań, mına tasqa buyır, ol nanǵa aylansın, – dedi.

Luka 4:1-3

Onıń Ózi sınaqqa túsip, azap shekkenlikten, Ol sınaqqa túskenlerge de járdem ete aladı.

Evreyler 2:18

Iysa Petrge: – Shimon, Shimon! Adamlardıń biydaydı kepshik penen jelpigeni sıyaqlı, shaytan sizlerdi sınaw ushın ruxsat soraǵan edi. Biraq Men isenimiń tawısılmasın dep, sen ushın duwa ettim. Sen Maǵan qaytıp kelgenińde, tuwısqanlarıńnıń isenimin bekkemle, – dedi.

Luka 22:31-32