Saturday, February 22, 2025

Sonda kúshli dawıl kóterilip, tolqınlar qayıqtı soqqılaǵanda, qayıq suwǵa tola basladı. Al Iysa qayıqtıń artqı jaǵında basına dastıq salıp, uyıqlap atır edi. Shákirtleri Onı oyatıp: – Ustaz! Bizler óletuǵın boldıq-ǵo, sonda da Saǵan bári bir me? – dedi.

Mark 4:37-38

Hesh nárseden táshiwish shekpeńler. Al hámme nárse ushın Qudayǵa duwa etip hám jalbarınıp, hár bir tilegińizdi Oǵan shúkirlik penen bildirińler. Sonda hár qanday aqıl-oydan zıyat bolǵan Qudaydıń tınıshlıǵı Masiyx Iysa arqalı kewillerińizdi hám oy-pikirlerińizdi qorǵaydı.

Filipliler 4:6-7

Quwanar dán hám sharabı mol bolǵanlar, Sen júregime onnan da kóp shadlıq berdiń.

Zabur 4:8

Etken miynetińniń jemisin jeyseń, Baxıtlı bolıp, abadan turmıs keshireseń.

Zabur 127:2

Olar tas boran qılıp atırǵanda, Stepan: «Iyem Iysa, ruwxımdı qabıl et», – dep duwa etti. Sońınan ol dize búkti de, bálent dawıs penen: «O Iyem, bul gúnanı olardıń moynına júkleme!» – dedi. Usını aytıp bolıp, ol jan tapsırdı.

Elshiler 7:59-60

Awa, batırlıqqa iyemiz hám deneden shıǵıp, Iyemiz benen birge jasaǵanımız jaqsıraq dep oylaymız.

2 Korinfliler 5:8