Sunday, February 23, 2025

Túski saat on ekiden baslap, tústen keyin saat úshke deyin, pútkil jerdi qarańǵılıq qaplap turdı. Saat úshler shamasında Iysa qattı dawıs penen: – Eliy, Eliy! Lama sabaxtani? – dep baqırdı. Bul: «Qudayım, Qudayım! Nege Meni taslap kettiń?» – degendi ańlatadı.

Matta 27:45-46

Bizlerdiń hámmemiz qoylarday joldan adastıq, Hár birimiz óz jolımızdan kettik. Jaratqan Iye oǵan hámmemizdiń qılmısımızdı júkledi.

Iyshaya 53:6

Solay etip, Masiyx Iysaǵa tiyisli bolǵanlarǵa qarsı endi hesh qanday húkim joq.

Rimliler 8:1

Solay etip, isenim menen aqlanǵanımız sebepli, Iyemiz Iysa Masiyx arqalı Quday menen jarastıq.

Rimliler 5:1

13-Masiyx bizler ushın náletlengenlikten, Qudaydıń Ibrayımǵa bergen jarılqawı Masiyx Iysa arqalı basqa milletlerge nesip etedi hám bizler wáde etilgen Muxaddes Ruwxtı isenimimiz arqalı alamız. Masiyx bizlerdi Muxaddes Nızamnıń náletinen qutqardı. Óytkeni: «Aǵashqa asılǵan hár bir adam náletiy», – dep jazılǵan.

Galatiyalılar 3:13

Quday bizlerge degen súyispenshiligin bılay kórsetti: Quday Óziniń jalǵız Ulın dúnyaǵa jiberip, bizlerge Ol arqalı ómir berdi. Mine, súyispenshilik – usı: bizler Qudaydı emes, al Quday bizlerdi súyip, Óz Ulın bizlerdiń gúnalarımızdıń keshiriliwi ushın qurbanlıq qılıp jiberdi.

1 Yuxan 4:9-10

Jáne de, házirgi waqıtta Ol ádilligin dálillep, Óziniń haq ekenin hám Iysaǵa isengen hár bir adamdı aqlaytuǵının kórsetti.

Rimliler 3:26