Kúndelik Jarıq

Olay bolsa, buǵan ne deymiz? Eger Quday bizlerdi jaqlasa, bizlerge kim qarsı tura aladı?

Rimliler 8:31

Eger barlıq buyrıqlarıńnan názerimdi ayırmasam, Men shermende bolmayman.

Zabur 118:6

Sen meniń panam bolıp kiyatırsań, Dushpanǵa qarsı bekkem qorǵansań.

Zabur 60:4

Dawıttıń jırı Saǵan jalbarınaman, Jaratqan Iye, Qorǵawshı jartasım, esitpey qalma dawısımdı. Eger maǵan juwap bermey, únsiz qalsań, Ólim shuqırına túsken adamday bolıp qalaman.

Zabur 27:1

Meni jawızlar hám nahaqlıq qılatuǵınlar menen, Bir qatarǵa qoyıp, jazalama. Olar adamlar menen doslarsha qatnasta bolıp, Júreklerinde jawızlıq islewdi niyet qılar.

Zabur 27:3

Quday bizler menen birge, Ol bizlerdiń jolbasshımız. Onıń ruwxaniyleri kárnaylar shalıp, sizlerge qarsı urısqa shaqıradı. Izrail urpaqları, ata-babalarıńızdıń Qudayı Jaratqan Iyege qarsı urıspańlar! Bári bir jeńiske erispeysiz.

2 Jılnama 13:12

Saz shertip alǵıslań Qudaydı, saz shertip alǵıslań, Saz shertip alǵıslań Patshamızdı, saz shertip alǵıslań.

Zabur 46:7

Olar Qozıǵa qarsı urısadı, biraq Qozı olardı jeńedi. Óytkeni Qozı – húkimdarlar Húkimdarı hám patshalar Patshası. Onıń menen birge bolǵanlar – shaqırılǵanlar, tańlanǵanlar hám Oǵan sadıq qalǵanlar.

Ayan 17:14

Ne ushın kóterilis qıladı milletler? Nege biyhuda jobalar dúzedi xalıqlar?

Zabur 2:1

Kókte otırǵan Iye bolsa, Olardı masqaralap, ústinen kúler.

Zabur 2:4

Birge másláhát qurıń, biraq ol pushqa shıǵadı. Sóz sóyleysiz, biraq ol ámelge aspaydı. Sebebi Quday bizler menen birge!

Iyshaya 8:10

Mar 1, 2025