Monday, March 3, 2025

Iysa oǵan: – Eger minsiz bolǵıń kelse, barıp barlıq mal-múlkińdi satıp, aqshasın jarlılarǵa ber. Sonda seniń ǵáziyneń aspanda boladı. Sońınan kelip, Meniń izime er, – dedi.

Matta 19:21

Bul waqıyalardan soń, Jaratqan Iye Ibramǵa bılay dep ayan berdi: – Qorqpa, Ibram. Men – seniń qalqanıńman. Saǵan beriletuǵın sıylıq oǵada ullı boladı.

Jaratılıs 15:1

Xojayını oǵan: «Bárekella, jaqsı hám isenimli xızmetshim! Kishkene iste isenimli boldıń, men saǵan úlken is tapsırmaqshıman. Júr, meniń quwanıshıma sherik bol!» – depti.

Matta 25:21

Endi tún bolmaydı. Ya shıra jaqtısınıń, ya quyash jaqtısınıń keregi bolmaydı. Sebebi Quday Iyeniń Ózi olarǵa jaqtı boladı hám olar máńgi-baqıy patshalıq etedi.

Ayan 22:5

Solay etseńiz, bas Shopan kelgende, sónbeytuǵın ullılıq tajın alasızlar.

1 Petr 5:4

Sınawǵa shıdaǵan adam baxıtlı! Óytkeni ol sınawdan ótkennen soń, Qudaydıń Ózin súyetuǵınlarǵa wáde etken ómir tajın aladı.

Yaqıp 1:12

Endi bolsa, men ushın haqıyqatlıq tajı tayın tur. Ádil húkim etiwshi bolǵan Iyemiz sol kúni usı tajdı maǵan, tek ǵana maǵan emes, al Onıń qayta keliwin intizarlıq penen kútkenlerdiń hámmesine de beredi.

2 Timofey 4:8

Jarısqa qatnasatuǵınlardıń hámmesi ózlerin barlıq nárseden tıyadı. Olar bunı ótkinshi tajdı alıw ushın isleydi. Al bizler máńgilik tajdı alıw ushın háreket etemiz.

1 Korinfliler 9:25

Áke! Seniń Maǵan bergen adamlarıń Men bolatuǵın jerde Meniń menen birge bolıwın hám Sen Meni dúnya jaratılmastan burın súygenlikten, Seniń Maǵan bergen ullılıǵıńdı olardıń da kóriwin qáleymen.

Yuxan 17:24

Onnan soń, jasap atırǵan bizler, yaǵnıy tiri qalǵanlar olar menen birge Iyemizdi hawada kútip alıw ushın, bultlar ishine alınıp kóterilemiz. Solay etip, hámme waqıt Iyemiz benen birge bolamız.

1 Salonikalılar 4:17

Meniń oyımsha, házirgi qıyınshılıqlar keleshekte bizlerge beriletuǵın ullılıqqa salıstırǵanda hesh nárse emes.

Rimliler 8:18