Wednesday, March 19, 2025

Remember your word to your servant, because you gave me hope.

Psalms 119:49

Men qarlıǵash yaki tırna kibi baqırdım, Kepter kibi zarladım. Joqarıǵa qarawdan kózlerim taldı, Men zulımlıqqa ushıradım, járdem ber, Iye!

Iyshaya 38:14

Aspan menen jer joyıladı, biraq Meniń sózlerim hesh qashan joyılmaydı.

Luka 21:33

Minekey, meniń de bul dúnyadan ótetuǵın waqtım keldi. Qudayıńız Jaratqan Iyeniń sizlerge bergen wádeleriniń hesh biri bosqa shıqpaǵanın shın júregińiz hám jan-tánińiz benen bilesizler. Olardıń hámmesi orınlandı, hesh biri orınlanbay qalmadı.

Eshua 23:14

bılay dedi: – Háy, Qudaydıń súyikli bendesi, qorqpa! Saǵan tınıshlıq bolsın! Kúshli bol, awa, kúshli bol! Ol maǵan sóylep atırǵanda, maǵan kúsh-quwat enip: – Mırzam, siz maǵan kúsh-quwat berdińiz, endi ayta beriń, – dedim.

Daniel 10:19

Endi sen, háy, Zerubbabel, jigerlen! – deydi Jaratqan Iye. – Háy, bas ruwxaniy Iosadaq ulı Eshua, jigerlen! Háy, eldegi pútkil xalıq, jigerleniń! – deydi Jaratqan Iye. – Jumısqa kirisińler! Sebebi Men sizler menen birgemen, – deydi Álemniń Jaratqan Iyesi.

Xaggay 2:4

Sonıń ushın, ol maǵan mınalardı aytıp berdi: – Jaratqan Iye Zerubbabel ushın mına sózlerdi ayttı: «Kúsh hám qúdiret penen emes, al Meniń Ruwxım menen tabısqa eriseseń. Bul Álemniń Jaratqan Iyesiniń sózi.

Zexariya 4:6

Juwmaqlap aytqanda, Iyemiz benen qatnasta bolıp, Onıń qúdiretiniń kúshi menen bekkemlenip barıńlar.

Efesliler 6:10