Thursday, March 20, 2025

Muxaddes Nızamdı orınlawı arqalı hesh bir adam Quday aldında aqlana almaytuǵını anıq. Sebebi: «Haq adam isenimi menen jasaydı», – dep jazılǵan.

Galatiyalılar 3:11

Nux Jaratqan Iyege arnap qurbanlıq orın qurdı. Sol jerde ol hadal dep esaplanǵan haywanlardıń hám quslardıń hámmesinen alıp, olardı qurbanlıqqa shalıp, jaǵıp jiberdi. Jaratqan Iye jaǵımlı iyisti unatıp, Óz kewlinde bılay dedi: «Men endi jerdi adamlar sebepli náletlemeymen. Óytkeni adamnıń kewlindegi niyetler balalıǵınan-aq jaman boladı. Men usı islegenimdey, endi hesh qashan pútkil tirishilikti joq qılıp jibermeymen.

Jaratılıs 8:20-21

Dúnyaǵa tiyisli adamlardıń hámmesi, dúnya jaratılǵannan beri bawızlanǵan Qozınıń Ómir kitabında atı jazılmaǵan hár bir adam jırtqısh haywanǵa sıyındı.

Ayan 13:8

Solay etip, isenim menen aqlanǵanımız sebepli, Iyemiz Iysa Masiyx arqalı Quday menen jarastıq.

Rimliler 5:1

Sonlıqtan Muxaddes Nızamdı orınlaǵanı arqalı hesh bir adam Qudaydıń aldında aqlana almaydı. Kerisinshe, Muxaddes Nızam arqalı adam óziniń gúnakar ekenin bilip aladı. Endi bolsa, Qudaydıń adamdı aqlaytuǵın ádilligi Muxaddes Nızamǵa baylanıslı bolmay-aq ashıq kórsetildi. Muxaddes Nızam da, payǵambarlardıń Jazıwları da bul haqqında gúwalıq beredi. Qudaydıń ádilligi adamlardı olardıń Iysa Masiyxqa degen isenimi arqalı aqlaydı. Bunı Ol isenetuǵın hár bir adam ushın isleydi. Sebebi adamlar arasında hesh qanday ayırmashılıq joq.

Rimliler 3:20-22

Hesh bir túsinetuǵın adam joq. Hesh kim Qudaydı izlemeydi.

Rimliler 3:11

Qudaydıń tańlap alǵan adamları bolǵan bizlerdi kim ayıplay aladı? Qudaydıń Ózi bizlerdi aqlaydı-ǵo.

Rimliler 8:33

Quday Ózi aldın ala belgilegen adamların shaqırdı, shaqırǵan adamların aqladı, al aqlaǵan adamların ullılıqqa eristirdi.

Rimliler 8:30