Wednesday, March 26, 2025

Bir kúni Dawıt: «Shauldıń xojalıǵınan tiri qalǵan bar ma? Men Ionatannıń húrmeti ushın oǵan jaqsılıq qılar edim», – dedi.

2 Patshalar 9:1

Sonda Patsha oń jaǵındaǵılarǵa: «Kelińler, Ákemnen jarılqanǵanlar, dúnya jaratılǵannan beri sizler ushın tayarlap qoyılǵan patshalıqtı miyras etip alıńlar. Sebebi Men ash bolǵanımda, sizler Maǵan awqat berdińler, shóllegenimde, suw berdińler, jat jerde júrgenimde, Meni qabıl aldıńlar. Jalańash bolǵanımda, kiyim berdińler, nawqas bolǵanımda, ǵamxorlıq qıldıńlar, qamaqta bolǵanımda, Maǵan keldińler», – deydi.

Matta 25:34-36

Patsha olarǵa juwap berip: «Sizlerge shının aytıp turman: sizlerdiń usı islerdi Meniń mına eń qarapayım tuwısqanlarımnıń birewine islegenińiz – Maǵan islegenińiz boladı», – deydi.

Matta 25:40

Men sizlerge shının aytıp turman: kim de kim usılardıń ishindegi eń qarapayımına shákirtlerimniń biri bolǵanı ushın tek bir kese suwıq suw ishkizse de, ol sıysız qalmaydı.

Matta 10:42

Jaqsılıq islewdi hám ózlerińizde bolǵan nárseni basqalar menen bólisiwdi umıtpańlar. Óytkeni bunday qurbanlıqlar Qudayǵa unaydı.

Evreyler 13:16

Óytkeni Quday ádalatsız emes. Ol sizlerdiń miynetińizdi hám muxaddeslerge qılǵan hám qılıp atırǵan xızmetińiz arqalı Ózine kórsetken súyispenshiligińizdi umıtpaydı.

Evreyler 6:10