Saturday, March 29, 2025

Jaratqan Iye, Qudayım, Bizler ushın ájayıp isleriń hám niyetleriń kópdur, Hesh bir zat Saǵan teń kele almas, Bulardı tilge alıp, sóyley baslasam, Kópliginen sanap tawısa almaspan.

Zabur 39:6

Jerdegi emes, al aspandaǵı nárselerdi oylańlar.

Kolosalılar 3:2

– Ózlerińizge jer betinde baylıq jıynamańlar. Bul jerde onı kúye de jeydi, tat ta basadı, urılar da buzıp kirip urlaydı. Al ózlerińizge aspanda baylıq jıynańlar. Sol jerde onı kúye de jemeydi, tat ta baspaydı, urılar da buzıp kirip urlamaydı. Óytkeni baylıǵıńız qay jerde bolsa, júregińiz de sol jerde boladı.

Matta 6:19-21

Jarısqa qatnasatuǵınlardıń hámmesi ózlerin barlıq nárseden tıyadı. Olar bunı ótkinshi tajdı alıw ushın isleydi. Al bizler máńgilik tajdı alıw ushın háreket etemiz.

1 Korinfliler 9:25

Bizler kózge kórinetuǵın qıyınshılıqlarǵa emes, al kózge kórinbeytuǵın ullılıqqa qaraymız. Sebebi kózge kórinetuǵın nárseler ótkinshi, al kózge kórinbeytuǵın nárseler máńgi boladı.

2 Korinfliler 4:18

Zalım aldamshı sıy ushın miynet eter, Ádillik sebiwshi haqıyqıy sıy alar.

Hikmetler 11:18

Endi bolsa, men ushın haqıyqatlıq tajı tayın tur. Ádil húkim etiwshi bolǵan Iyemiz sol kúni usı tajdı maǵan, tek ǵana maǵan emes, al Onıń qayta keliwin intizarlıq penen kútkenlerdiń hámmesine de beredi.

2 Timofey 4:8

Solay etseńiz, bas Shopan kelgende, sónbeytuǵın ullılıq tajın alasızlar.

1 Petr 5:4