1 Yarobam qurbanlıqtı jaǵıp tútetiw ushın qurbanlıq orınnıń janında turǵan waqıtta, Qudaydıń adamı Jaratqan Iyeniń buyrıǵı boyınsha Yahudadan Beyt-Elge keldi. 2 Ol Jaratqan Iyeniń buyrıǵı boyınsha, qurbanlıq orınǵa qarata bılay dep baqırdı:
– Qurbanlıq orın, háy, qurbanlıq orın! Jaratqan Iye bılay deydi: «Dawıttıń urpaǵınan Ioshiya degen bir ul dúnyaǵa keledi. Ol qurbanlıqtı jaǵıp tútetip, sıyınıw orınlarında xızmet etken ruwxaniylerdi seniń ústińde qurbanlıqqa beredi. Seniń ústińde adamnıń súyekleri jaǵıladı».
3 Sol kúni Qudaydıń adamı bunıń belgisi tuwralı bılay dedi:
– Bul sózlerdi Jaratqan Iyeniń aytqanlıǵın bildiretuǵın belgi mınaw: mına qurbanlıq orın qaq ayırılıp, ústindegi kúl tógilip ketedi.
4 Patsha Yarobam Qudaydıń adamınıń Beyt-Elde qurbanlıq orınǵa qarsı baqırıp aytqan sózlerin esitkende, qolın qurbanlıq orınnan alıp, oǵan qaray sozdı da:
– Uslańlar onı! – dep baqırdı. Sonda onıń Qudaydıń adamına qaray sozǵan qolı sárriyip qatıp, qıymıldamay qaldı. 5 Qudaydıń adamınıń Jaratqan Iyeniń sózine muwapıq aytqan belgisi boyınsha, qurbanlıq orın qaq ayırılıp, ústindegi kúl tógildi.
6 Sol waqıtta patsha Yarobam Qudaydıń adamına:
– Ótinemen, qolımnıń burınǵı halına keliwi ushın, Qudayıń Jaratqan Iyege duwa etip, Onnan rehim etiwdi sora, – dedi. Qudaydıń adamı Jaratqan Iyege jalbarınǵanda, patshanıń qolı jazılıp, burınǵı halına keldi.
7 Patsha Qudaydıń adamına:
– Meniń menen úyime barıp, awqatlanıp, hállenip al, saǵan sıylar bereyin, – dedi.
8 Biraq Qudaydıń adamı oǵan:
– Baylıǵıńızdıń yarımın berseńiz de, men siz benen birge barmayman, bul jerden nan da jemeymen, suw da ishpeymen. 9 Sebebi Jaratqan Iye maǵan: «Ol jerde hesh nárse iship-jeme hám barǵan jolıń menen qaytpa», – dep buyrıq berdi, – dep juwap berdi. 10 Solay etip, Qudaydıń adamı Beyt-Elge kelgen jolınan keri qaytpay, basqa jol menen ketti.
11 Beyt-Elde jasaytuǵın bir ǵarrı payǵambar bar edi. Ulları kelip, oǵan sol kúni Qudaydıń adamınıń Beyt-Elde islegen isleri hám patshaǵa aytqanları haqqında ákesine aytıp berdi. 12 Ǵarrı olardan:
– Qudaydıń adamı qaysı joldan ketti? – dep soradı. Ulları oǵan Yahudadan kelgen Qudaydıń adamınıń qaysı joldan ketkenin kórsetti. 13 Sonda ǵarrı ullarına:
– Eshegimdi ertleńler, – dedi. Ulları eshegin ertlegennen soń, ol eshekke minip, 14 Qudaydıń adamınıń izinen ketti. Onı terebinf aǵashınıń astında otırǵan jerinen taptı hám onnan:
– Yahudadan kelgen Qudaydıń adamı senbiseń? – dep soradı.
Sol adam:
– Awa, men, – dep juwap berdi.
15 Ǵarrı payǵambar oǵan:
– Júr, meniń menen úyge barıp, awqat jep ket, – dedi.
16 Qudaydıń adamı oǵan:
– Jolımnan qaytıp, siz benen kete almayman. Bul jerde nan da jemeymen, suw da ishpeymen. 17 Óytkeni Jaratqan Iye maǵan: «Ol jerde hesh nárse iship-jeme hám barǵan jolıń menen qaytpa», – dep buyrıq berdi, – dep juwap berdi.
18 Ǵarrı payǵambar oǵan:
– Men de sen sıyaqlı bir payǵambarman. Jaratqan Iyeniń buyrıǵı boyınsha bir perishte kelip, maǵan: «Onı qaytarıp, úyińe ákel. Ol nan jep, suw iship alsın», – dep ayttı, – dedi.
Biraq ǵarrı payǵambar Qudaydıń adamın aldaǵan edi. 19 Solay etip, Qudaydıń adamı ǵarrı payǵambar menen birge izine qayttı hám onıń úyine barıp, iship-jedi. 20 Olar ele dasturxan átirapında otırǵanda, Qudaydıń adamın jolınan qaytarǵan payǵambarǵa Jaratqan Iyeden sóz tústi. 21 Ǵarrı payǵambar Yahudadan kelgen Qudaydıń adamına bılay dep baqırdı:
– Jaratqan Iye bılay deydi: «Sen Meniń sózime boysınbadıń, Qudayıń Jaratqan Iyeniń ózińe bergen buyrıǵın orınlamadıń. 22 Jolıńnan qaytıp, saǵan iship-jeme degen jerimde iship-jediń. Sonlıqtan seniń deneń ata-babalarıńnıń qábirine qosılmaydı».
23 Qudaydıń adamı iship-jep bolǵannan soń, ǵarrı payǵambar onıń eshegin ertlep berdi. 24 Qudaydıń adamı ketip baratırıp, jolda bir arıslanǵa tap boldı, arıslan onı óltirdi. Eshek te, arıslan da sozılıp jatırǵan deneniń janında turǵan edi. 25 Joldan ótip baratırǵanlar jolda jatırǵan ólikti hám onıń janında turǵan arıslandı kórdi. Olar ǵarrı payǵambar jasap atırǵan qalaǵa barıp, kórgenlerin aytıp berdi.
26 Qudaydıń adamın joldan qaytarǵan ǵarrı payǵambar bunı esitkende: «Jaratqan Iyeniń sózine boysınbaǵan Qudaydıń adamı sol boladı. Sonlıqtan Jaratqan Iye Óz sózi boyınsha oǵan bir arıslandı jiberdi. Arıslan onı tilkimlep óltirdi», – dedi. 27 Ol ullarına:
– Eshegimdi ertleńler, – dedi. Olar eshekti ertledi.
28 Ǵarrı ketip, jolda jatırǵan deneni tawıp aldı. Eshek penen arıslan ele deneniń janında turǵan eken. Arıslan deneni de jemegen, eshekke de tiymegen edi. 29 Ǵarrı payǵambar Qudaydıń adamınıń denesin kóterip alıp, eshekke arttı. Joqlaw aytıp jerlew ushın, onı óz qalasına qaytarıp alıp keldi. 30 Sońınan ǵarrı marhumdı óziniń qábirine qoyıp: «Wah, bawırım!» – dep oǵan joqlaw ayttı. 31 Qudaydıń adamın jerlegennen keyin, payǵambar ǵarrı ullarına bılay dedi:
– Ólgenimnen keyin, meni Qudaydıń adamınıń qábirine qoyıń, súyeklerimdi de onıń súyekleriniń janına qoyıń. 32 Sebebi onıń Beyt-Eldegi qurbanlıq orın hám Samariya qalalarındaǵı barlıq sıyınıw orınları tuwralı Jaratqan Iyeniń buyrıǵı boyınsha aytqan sózleri sózsiz orınlanadı.
33 Bul waqıyadan keyin de, Yarobam óziniń jaman jolınan qaytpadı. Ol xalıq arasınan qálegen adamın sıyınıw orınlarına ruwxaniyler etip qoyıwın dawam etip, ruwxaniy bolıwdı qálegen hár bir adamdı xızmetke tayınladı. 34 Bul isler Yarobamnıń urpaǵınıń gúnaǵa batıwına hám qırılıp, jer betinen joq bolıp ketiwine alıp keldi.
17 Óytkeni húkim shıǵarılatuǵın waqıt jetip keldi. Húkim shıǵarıwdı Quday Óz shańaraǵınan baslaydı. Eger bul Qudaydıń shańaraǵı bolǵan bizlerden baslansa, Qudaydıń Xosh Xabarına qulaq aspaytuǵınlardıń aqırı qanday boladı?
10 Jáne de, olar bizlerdi keleshektegi qáhárli jazadan qutqaratuǵın Iysanıń, yaǵnıy Qudaydıń Ózi ólimnen tiriltken Ulınıń aspannan keliwin kútip atırǵanıńızdı da sóz etti.
3 Patshalar 13 · 1 Petr 4:17 · 1 Salonikalılar 1:10 · QrqMK22 Біз алдауға толы және Құдайдың айыптауындағы дүниеде өмір сүреміз. Өкінішке орай, Құдайдың келе жатқан соты туралы хабармен тоқтаудың орнына, бұл дүние өз ақырына бұрынғыдан да тезірек бара жатқан сияқты. Бірақ Құдайға шүкір, әлі де көптеген адамдар күнәларынан бас тартып, кешірім мен мәңгілік өмір алу үшін Мәсіхтің айқыштағы орындалған ісіне сенеді.
1 Патшалықтар 13 -те, Еробоамның құрбандық үстеліне Құдайдың сотын жариялаған Құдай адамы келген жолынан басқа жолмен тез арада Яһудаға қайтуы керек болды. Өкінішке орай, ол мұны істеуге асықпады, және оны бір қарт пайғамбар алдап, қайтып келіп нан жеп, су ішуге көндірді. Бұл қарт пайғамбар осы дүниенің жолдарымен жүрді және оның ықпалында болды. Құдайдың соты Құдай адамына түсті, өйткені ол Құдайдың анық бұйрығына бағынбай, қайтып келді. Петр жазғандай: «Өйткені сот Құдай үйінен басталатын уақыт келді; егер ол бізден басталса, Құдайдың ізгі хабарына бағынбайтындардың ақыры не болады?» (1 Пет. 4:17).
Бұл Құдай адамына не болғаны бізге біздің жүрісіміз Құдай үшін маңызды екенін еске салады. Бұл біздің бұдан былай осы дүниеге жатпайтынымызды, оның жолдарымен жүрмейтінімізді, немесе артта қалдырғанымызға қайтып келмейтінімізді осы дүние алдында куәландыруы керек. Лот пен оның отбасы мұны істеуі керек емес пе еді? Лот мұнда қолдануға өте нашар мысал, бірақ ол бір нәрсені көрсетеді: періштелер артқа қарамауды айтты, және Құдайдың тез соты солай істеген адамға түсті. Біздің жүрісіміз біздің «аспаннан [Құдайдың] Ұлын күтетінімізді, Оны Өліден тірілткен, яғни бізді келе жатқан қаһардан құтқаратын Исаны» (1 Сал. 1:10) оңды түрде көрсетуі керек. Әрқайсымыз қарт пайғамбар сияқты ықпал етілмей, немесе жас пайғамбар сияқты бағынбай, Құдайдың Сөзін сақтап, онымен жүрейік!
Dáslep https://thelordisnear.org saytında járiyalangan. Jasalma intellekt járdeminde awdarılanǵan, Muqaddas Kitap citataları da sonda — qálegen siltemeni ashıp, Muxaddes Kitap awdarmasında oqıń.
© Институт перевода Библии, 2022 ibtrussia.org
Ronnie Schmutzdıń Unsplash saytındaǵı fotosúwreti (https://unsplash.com/photos/a-very-tall-waterfall-in-the-middle-of-a-mountain-beO051yJ-iM)
