Bul shınında da sonısha ullı sır, adam aqılı onı túsine almaydı. Biz Qudaydı Onıń barlıǵınıń ullılıǵında da túsine almaymız. Qaysı jaratılıs qudiretli, hárbir nársege bilimdi, hámme jerde bar bolǵan — sheksiz hám máńgi bolǵan Birin túsine aladı? Biz hámmemiz hálsiz, nadan hám sheklengenbiz, hám máńgilikti de túsine almaymız.
Adamlar bul ullı Quday sıpatları haqqında tek Injil ǵana aytadı, sebebi biz Onı kórmeymiz hám kóre almaymız dep narazılıq bildiriwi múmkin. Biraq pútkil jaratılıs Qudaydıń máńgi qudireti hám ilahiyligine gúwalıq beredi. Rimliklerge 1:20 bunı tastıyıqlaydı: “Sebebi dúnya jaratılǵannan berli Onıń kózge kórinetuǵın bolmaǵan sıpatları, Onıń máńgi qudireti hám Qudaylıǵı, jaratılǵan nársler arqalı anıq kórinedi hám túsiniledi, sonlıqtan olar aqlańǵa iye emes.” Jaratıwshı óz jaratılısınan úlkenirek bolıwı shárt. Bunday Qudaydıń adam denesinde kóriniwi barlıq adam fantaziyasınan tıs, tańqalarlıq. Bul isenip bolmaytuǵınday esitiledi, hám usı sebepli kóp adamlar hátte múmkinshiligin de biykar etedi. Biraq, eger biz aqılǵa say pikirlesek, sheksiz ullı Qudaydıń, sonısha qorqınıshlı qudiret hám danalıqqa iye Qudaydıń, óziniń ullı ilahiylik dańqın saqlap qalǵan halda Adam bolıp ózin bildiriwi qıyın ba?
Onıń denede tańqalarlıq kóriniwi Onıń dańqınıń ullılıǵına hám adamzatqa bolǵan muhabbatı hám meyirimliliginiń ullılıǵına gúwalıq beredi. Biz Tirishilik Qudayınıń Rabbiy Isa shaxsındaǵı bul tańqalarlıq ashılıwı haqqında hámme nárseni túsiniwimiz shárt emes. Biraq biz túsingenimiz joq bolsa da, bul júreklerimizdiń eń tereń sıyınıwı hám tabınıwın talap etedi. “Sebebi hámme nársler Onnan, Onıń arqalı hám Oǵan. Oǵan máńgi dańq bolsın. Awmiyn” (Rim. 11:36).
