Wednesday, July 22, 2026

Sonlıqtan ullılar qatarında oǵan pay beremen, Kúshliler menen olja bólisedi. Óytkeni ol janın qurban etti, Jınayatshılar qatarında sanaldı, Kóplerdiń gúnasın ózine aldı, Qılmıskerler ushın araǵa tústi.

Iyshaya 53:12

Sol sıyaqlı, Masiyx ta kóplerdiń gúnaların juwıw ushın, birinshi hám sońǵı mártebe qurban boldı. Ekinshi mártebe bolsa, Ol gúnalardı juwıw ushın emes, al Ózin intizarlıq penen kútip atırǵanlardı tolıq qutqarıw ushın keledi.

Evreyler 9:28

Bizlerdiń gúna ushın ólip, haq bolıp jasawımız ushın, Ol gúnalarımızdı atanaq aǵashta Óz denesine júkledi. Onıń jaraqatları arqalı shıpa taptıńız.

1 Petr 2:24

Óytkeni Ol muxaddes qılınǵanlardı tek bir qurbanlıq penen máńgilikke minsiz qıldı.

Evreyler 10:14

Biraq Iysa máńgi jasaytuǵın bolǵanlıqtan, Onıń ruwxaniyligi de máńgi. Sonlıqtan Ol Ózi arqalı Qudayǵa kelgenlerdi pútkilley qutqaratuǵın kúshke iye. Sebebi Ol máńgige tiri bolıp, Qudaydan olar ushın ótinip soraydı.

Evreyler 7:24-25

Biraq, bizler ele gúnakar bolǵan waqtımızda Masiyx bizler ushın óldi. Bizlerge degen súyispenshiligin Quday usılay dálilledi. Sonlıqtan endi Masiyxtıń qanı arqalı aqlanǵanımız sebepli, Ol arqalı Qudaydıń ǵázebinen qutqarılatuǵınımız da anıq.

Rimliler 5:8-9

Solay etip, Masiyx denesi menen azap shekti. Sizler de Masiyxta bolǵan oylar menen ózlerińizdi azap shegiwge tayarlańlar. Sebebi denesi azap shegip atırǵan adam gúna islewdi toqtatadı. Bunnan bılay, dúnyadaǵı ómirińizdiń qalǵan bóleginde adamnıń jaman qálewleri boyınsha emes, al Qudaydıń erki boyınsha jasańlar.

1 Petr 4:1-2