Thursday, July 23, 2026

– Sol kúndi yamasa sol saattı hesh kim de bilmeydi: aspandaǵı perishteler de, Uldıń Ózi de, tek ǵana Ákem biledi. Abaylańlar hám sergek bolıńlar, óytkeni sol waqıttıń qashan keletuǵının bilmeysizler.

Mark 13:32-33

Sizlerge aytatuǵınımdı hámmege aytaman: sergek bolıńlar!

Mark 13:37

Ayırımlar keshikti dep esaplaǵanday, Iyemiz wádesin orınlawdı keshiktirip atırǵan joq. Kerisinshe, Ol hesh kimniń nabıt bolıwın qálemey, hár bir adam táwbe etsin dep, sizler ushın sabırlılıq penen kútip turıptı.

2 Petr 3:9

Sizler de sabırlı bolıp, bekkem turıńlar! Óytkeni Iyemizdiń keletuǵın waqtı jaqın. Tuwısqanlar, húkim etilmewińiz ushın bir-birińizge qarsı narazılıq bildirmeńler. Mine, húkim etiwshi Iyemiz qapı aldında tur.

Yaqıp 5:8-9

Bulardı gúwalıq etip aytqan Iyemiz: «Awa, Men jıldam kelemen», – deydi. Awmiyin! Kele gór, Iyem Iysa!

Ayan 22:20

Hámme nárse usı tárizde joq bolıp ketetuǵın bolsa, sizler qanday adamlar bolıwıńız zárúr? Sizler muxaddes bolıp jasap, Qudaydıń jolı menen júriwińiz kerek.

2 Petr 3:11

Hámme nárseniń aqırı jaqın. Sonlıqtan duwa etiw ushın aqıl menen is tutıp, sergek bolıńlar!

1 Petr 4:7

– Bellerińiz buwıwlı bolıp, shıralarıńız janıp tursın! Xojayını neke toydan qaytıp kelip, esikti qaqqanda, oǵan dárriw ashıw ushın kútip turǵan xızmetshilerdey bolıńlar.

Luka 12:35-36