Friday, July 24, 2026

Samuel hesh nárseni jasırmastan, oǵan hámmesin aytıp berdi. Sonda Eliy: – Ol Jaratqan Iye-ǵo. Neni maqul kórse, sonı islesin, – dedi.

1 Patshalar 3:18

Ayıpsız bolsam da, Oǵan juwap bere almas edim, Men tek Qazımnan rehim etiwin ǵana sorap jalbarınar edim.

Ayup 9:15

Ol bılay dedi: – Anamnıń qursaǵınan jalańash shıqqan edim, Bul dúnyadan da jalańash qaytaman. Jaratqan Iye berdi, Jaratqan Iye aldı, Jaratqan Iyeniń atına alǵıslar bolsın!

Ayup 1:21

Ayup oǵan: – Sen aqılsız hayallar sıyaqlı sóylep tursań. Sonda ne, bizler Qudaydan tek jaqsılıqtı qabıl etip, jamanlıqtı qabıl etpewimiz kerek pe? – dep juwap berdi. Sonshama azap shekse de, Ayuptıń awzınan gúna bolǵanday sóz shıqpadı.

Ayup 2:10

Iysa kózine jas aldı.

Yuxan 11:35

Ol adamlar tárepinen kemsitildi, onnan júz burıldı. Ol qayǵınıń, azap-aqırettiń ne ekenin biletuǵın edi. Adamlar onnan betin jasıratuǵınday dárejede ol kemsitildi, Onı biz adam qatarında kórmedik. Haqıyqatında ol, bizlerdiń keselliklerimizdi ózine aldı, Awırıwlarımızdı kóterdi. Bizler bolsa, onı Quday tárepinen jazalanıp, Urılıp, azap shegip atır, dep oyladıq.

Iyshaya 53:3-4

Sebebi Ol súygen adamın tárbiyalaydı, Ulı qılıp qabıl etken hár bir adamın jazalaydı».

Evreyler 12:6

Tárbiyalaw ushın berilgen hár bir jaza waqtında quwanısh emes, al qapagershilik alıp keledi. Biraq keyin ala ol usılay tárbiyalanǵan adamlarǵa tınıshlıq beriwshi haqlıq alıp keledi.

Evreyler 12:11

11-Onıń ullılıǵınıń qúdiretinen tolıq kúsh-quwat alıp, hámme nársege sabırlılıq penen shıday alıwıńız ushın hám Quday Ákemizge quwanısh penen shúkirlik ete alıwıńız ushın da bizler duwa etip atırmız. Quday Ákemiz bizlerdi nurdaǵı muxaddeslerdiń miyrasına sherik bolıwǵa miyasar qıldı.

Kolosalılar 1:11

Bulardı sizlerge Mende bolıp, tınıshlıq alıwıńız ushın ayttım. Bul dúnyada qıyınshılıq kóresizler, biraq márt bolıńlar, Men dúnyanı jeńdim!

Yuxan 16:33