Friday, July 10, 2026

Sizler Meni Ustaz hám Iyem dep ataysızlar. Durıs aytasızlar, sebebi Men Solman.

Yuxan 13:13

Shákirt ustazı sıyaqlı bolsa, xızmetshi de xojası sıyaqlı bolsa, olarǵa jetkilikli. Adamlar úy iyesin Belzebúl-shaytan dep ataǵan bolsa, onıń úy-ishine onnan da jamanıraq at taqpay ma?!

Matta 10:25

Meniń: «Xızmetshi xojasınan ullı emes», – degen sózlerimdi eslerińizge túsirińler. Eger adamlar Meni quwdalasa, sizlerdi de quwdalaydı. Eger Meniń sózimdi tıńlasa, sizlerdiń sózlerińizdi de tıńlaydı.

Yuxan 15:20

Men olarǵa Seniń sózińdi tapsırdım, dúnya bolsa olardı jek kórdi. Óytkeni Meniń dúnyaǵa tiyisli bolmaǵanım sıyaqlı, olar da dúnyaǵa tiyisli emes.

Yuxan 17:14

Gúnakarlardıń usınday qarsılıqlarına shıdaǵan Iysanı oylańlar. Sonda haldan tayıp, ruwxıy túskinlikke túspeysizler. Sizler gúnaǵa qarsı gúreste qanıńız tógilgenshe gúresken joqsız-ǵo.

Evreyler 12:3-4

Minekey, bizlerdi qorshaǵan usınday kóp sanlı gúwalar toparı bar eken. Sonlıqtan bizler de kesent beretuǵın hár bir júkti hám ózlerimizge tez jabısatuǵın gúnanı taslap, Quday aldımızǵa qoyǵan jarısta shıdamlılıq penen juwırayıq. Isenimimizdiń tiykarın salıwshı hám onı minsizlikke eristiriwshi Iysaǵa kóz tigeyik. Ol Ózin kútip turǵan quwanısh ushın, atanaq aǵashta shegeleniwdiń shermendeshiligin pisent etpey ólimge barıp, Qudaydıń taxtınıń oń jaǵına otırdı.

Evreyler 12:1-2

Solay etip, Masiyx denesi menen azap shekti. Sizler de Masiyxta bolǵan oylar menen ózlerińizdi azap shegiwge tayarlańlar. Sebebi denesi azap shegip atırǵan adam gúna islewdi toqtatadı.

1 Petr 4:1