Monday, July 6, 2026

Ornı menen aytılǵan sóz, Gúmis tabaqqa salınǵan altın almaǵa uqsar. Tıńlar qulaqqa dananıń áshkaralawı, Altın sırǵaǵa yaki sap altın taǵınshaqqa uqsar.

Hikmetler 25:11-12

Awızlarıńızdan hesh bir jaman sóz shıqpasın. Al ornı menen sóylep, esitkenlerdiń ruwxın kóteretuǵın paydalı sózlerdi aytıń.

Efesliler 4:29

Jaqsı adam kewlindegi jaqsılıq ǵáziynesinen jaqsılıq shıǵaradı, al jaman adam kewlindegi jamanlıq ǵáziynesinen jamanlıq shıǵaradı.

Matta 12:35

Óytkeni sen óz sózleriń menen aqlanasań da, óz sózleriń ushın ayıplanasań da.

Matta 12:37

Oylanbay aytılǵan sóz qılıshtay jaraqatlar, Dananıń sózi shıpa berer.

Hikmetler 12:18

Biraq Jaratqan Iyeden qorqatuǵınlar óz ara sáwbetlesti. Jaratqan Iye olardıń sáwbetine qulaq salıp, tıńladı. Jaratqan Iyeden qorqıp, Onıń atın sıylaǵanlar ushın, Onıń aldında bir estelik kitabı jazıldı.

Malaxiya 3:16

Buǵan Jaratqan Iye bılay deydi: «Eger táwbe qılsań, qayta qabıl etip, Seni xızmetime qoyaman. Eger mánissiz sóylemey, Áhmiyetli sózlerdi aytsań, Meniń tilim menen sóyleyseń. Bul xalıqtıń ózleri saǵan qaytadı, Biraq sen olarǵa qayırılıp qarama.

Eremiya 15:19

Sizler Masiyxqa degen isenimde, Qudaydıń sózin sóylewde, haqıyqattı biliwde, inta menen xızmet etiwde, bizlerge degen súyispenshilikte, ulıwma hámme nársede ústinsiz. Sol sıyaqlı, bul qayırlı iste de sizlerdiń ústin bolıwıńızdı qáleymiz.

2 Korinfliler 8:7