Saturday, July 4, 2026

Ana balasın jubatqanday, Men sizlerdi jubataman. Sizler Erusalimde jubanısh tabasız».

Iyshaya 66:13

Qolın tiygizsin dep, adamlar Iysaǵa balaların alıp keldi. Al shákirtleri olarǵa keyidi.

Mark 10:13

Sońınan balalardı qushaqlap, olardıń ústine qolların qoyıp, pátiyasın berdi.

Mark 10:16

Iysa shákirtlerin janına shaqırıp alıp, olarǵa: – Xalıqqa janım ashıp tur. Olar úsh kúnnen beri qasımda bolıp, jeytuǵın hesh nársesi joq. Olardı ash halında jibergim kelmeydi, sebebi jolda hálsirep qalıwı múmkin, – dedi.

Matta 15:32

Ol – bizlerdiń hálsizliklerimizdi bólise alatuǵın bas ruwxaniy. Onıń Ózi hár tárepleme bizler sıyaqlı sınaldı, biraq gúna islemedi.

Evreyler 4:15

Olar azap shekkende, Ol qosılıp qıynaldı, Onnan kelgen perishte olardı azat etti. Olardı Ol súyispenshiligi hám miyrimi menen qutqardı. Ázelden olardı qolına kóterip keldi.

Iyshaya 63:9

Sizlerdi jetim qılıp qaldırmayman, sizlerge qaytıp kelemen.

Yuxan 14:18

Ana emiziwli balasın umıta ma? Ózi tuwǵan balasına rehimi túspey me? Hátte, ana óz balasın umıtsa da, Men seni umıtpayman.

Iyshaya 49:15

Óytkeni taxttıń ortasında bolǵan Qozı olardıń shopanı bolıp, tiri suw bulaqlarına alıp baradı. Quday olardıń barlıq kóz jasların súrtip taslaydı.

Ayan 7:17