Tuesday, June 30, 2026

Qudaydıń Óz ullarına sóylegendey qılıp, sizlerge aytqan mına aqıl-násiyatın umıttıńız: «Balam! Jaratqan Iyeniń tárbiyasına itibarsız qarama, Ol áshkaralaǵanda júregińe awır alma. Sebebi Ol súygen adamın tárbiyalaydı, Ulı qılıp qabıl etken hár bir adamın jazalaydı».

Evreyler 12:5-6

Áke jaqsı kórgen ulın jazalaǵanı sıyaqlı, Jaratqan Iye de kimdi súyse, sonı áshkaralaydı.

Hikmetler 3:12

Ol jaralaydı hám Ózi onı tańadı, Ol zıyan keltiredi, biraq Óz qolı menen shıpalaydı.

Ayup 5:18

Sonlıqtan ózlerińizdi Qudaydıń qúdiretli qolı astında pás tutıńlar. Sonda belgilengen waqıt kelgende, Ol sizlerdi mártebeli etedi.

1 Petr 5:6

Mine, gúmistey etip bolmasa da, seni tazaladım, Azap oshaǵında sınadım.

Iyshaya 48:10

Adamzattı jazalap, azar berse de, Bulardı Ol júrek qálewi menen qılmaydı.

Joqlaw 3:33

Bulaqlardı saylarǵa qaray, Tawlar arası menen aǵızasań. Olar barlıq jabayı haywanlardı suwǵaradı, Qulanlardıń shólin qandıradı. Quslar suw boylarında jasaydı, Putalar arasınan olar sayraydı. Kóktegi úyińnen tawlardı suwǵarasań, Jer júzi islerińniń miywesinen toyadı. Mallardı shópler menen támiyinleyseń, Adamlar miynet penen azıǵın alsın dep, Jerge eginler ósireseń.

Zabur 103:10-14