Wednesday, July 1, 2026

Solay etip, Qudaydıń súyikli balaları bolǵan sizler Oǵan elikleńler!

Efesliler 5:1

Al Meniń sizlerge aytatuǵınım: dushpanlarıńızdı súyińler, sizlerdi quwdalaytuǵınlar ushın duwa etińler. Sonda aspandaǵı Ákeńizdiń balaları bolasızlar. Óytkeni Ol jamanlardıń ústine de, jaqsılardıń ústine de, Óz quyashınıń nurın tógedi hám haq adamlardıń ústine de, nahaqlardıń ústine de, jawının jawdıradı.

Matta 5:44-45

Solay etip, Ákeńiz miyrim-shápáátli bolǵanı sıyaqlı, sizler de miyrim-shápáátli bolıńlar.

Luka 6:36

Óytkeni nurdaǵı ómirdiń jemisi – hár túrli jaqsılıq, haqlıq hám haqıyqatlıqtan ibarat.

Efesliler 5:9

Biraq Qutqarıwshımız Quday Óz miyrimin hám adamǵa degen súyispenshiligin ashıq kórsetkende, Ol bizlerdi qılǵan haq islerimiz sebepli emes, al Óz miyrim-shápááti menen qutqardı. Bizlerdi Muxaddes Ruwxı arqalı gúnadan tazalap, qaytadan tuwıldırdı hám jańaladı. 6-7 Onıń miyrimi menen aqlanıp, ózlerimiz úmit etken máńgilik ómirdiń miyrasxorları bolıwımız ushın, Ol Muxaddes Ruwxın Qutqarıwshımız Iysa Masiyx arqalı mol-mol etip jawdırdı.

Titus 3:4-6

Jaratqan Iye kelgindilerdi qorǵaydı, Jetim-jesirlerdi qollap quwatlaydı, Jawızlardı jollarınan adastıradı.

Zabur 145:9

Quday, hátte, Óz Ulın da ayamay, Onı bizlerdiń hámmemiz ushın qurbanlıq qılıp baǵıshlaǵan bolsa, Onıń menen birlikte bizlerge hámme nárseni bermes pe eken?

Rimliler 8:32