Thursday, July 9, 2026

Háy, haq adamlar, Jaratqan Iyede shadlanıp baqırıń! Ádil adamlarǵa jarasar Oǵan alǵıs-maqtaw aytıw.

Zabur 32:1

Hámmemiz haram adamday boldıq, Tuwrı islerimiz de pataslanǵan kiyimge uqsaydı. Hámmemiz japıraq kibi solıp atırmız, Gúnalarımız bizdi samalday ushırıp áketip baratır.

Iyshaya 64:6

Meniń ishimde, yaǵnıy gúnakar tábiyatımda hesh bir jaqsı nárseniń joq ekenin bilemen. Ishimde jaqsılıq islewge qálew bolsa da, kúshim jetpeydi.

Rimliler 7:18

Suwǵa shomıldırılǵanda hár birińiz Masiyxqa bólendińler.

Galatiyalılar 3:27

Bir-birińizge ótirik sóylemeńler. Óytkeni sizler eski tábiyatıńızdı onıń jaman isleri menen taslap, jańa tábiyatqa bólendińler. Bul jańa tábiyatqa iye adam Qudaydı tolıq biliw ushın, óz Jaratıwshısına uqsap baradı.

Kolosalılar 3:9-10

8-Awa, men hámme nárseni Iyem Masiyx Iysanı biliwdiń artıqmashlıǵı aldında paydasız dep sanayman. Jáne de, men Masiyx ushın hámme nárseden bas tarttım hám Oǵan erisip, Onıń menen birge bolıw ushın, hámmesin sıpırındı dep esaplayman. Endi Muxaddes Nızamdı orınlawım arqalı alatuǵın óz haqlıǵıma emes, al Masiyxqa degen isenim arqalı beriletuǵın, yaǵnıy Qudaydıń isenimimizge qaray beretuǵın haqlıǵına iyemen.

Filipliler 3:9

Biraq ákesi xızmetshilerine: – Tez bolıńlar, eń jaqsı kiyim ákelip, oǵan kiygizińler. Qolına júzik taǵıp, ayaǵına ayaq kiyim berińler.

Luka 15:22

Kelinge kiyiw ushın, Taza, jarqıraǵan appaq zıǵır kóylek berildi». Taza, appaq kóylek – muxaddeslerdiń haq islerin bildiredi.

Ayan 19:8

Men Jaratqan Iyede shadlanaman, Janım Qudayımda yoshlanar. Óytkeni Ol maǵan qutqarılıw kiyimin kiygizdi. Maǵan ádillik shapanın japtı. Men taj kiygen kúyewge, Bezeniw buyımların taqqan kelinge uqsayman.

Iyshaya 61:10