Wednesday, February 4, 2026

Eger olar ózleri taslap ketken eldi watanım dep oylay bergende, sol jerge qaytıp barıwǵa jol tabar edi. Biraq, olar jerdegi watannan da jaqsıraǵın, yaǵnıy aspandaǵı watandı árman etetuǵın edi. Sol sebepten Quday olardıń Qudayı bolıwǵa arlanbaydı. Sebebi Ol olar ushın bir qala tayarlap qoyıptı.

Evreyler 11:15-16

Ol waqıtsha gúnakar ómirdiń káyip-sapasın súriwdiń ornına, Qudaydıń xalqı menen birge jábir shegiwdi tańladı. Masiyx sebepli xorlanıwdı Mısırdıń ǵáziynelerinen de ullıraq baylıq dep sanadı. Óytkeni ol alajaq sıyın kútetuǵın edi.

Evreyler 11:25-26

Maǵan tiyisli haq adam isenimi menen jasaydı, Eger ol arqaǵa sheginse, oǵan kewlim tolmaydı». Bizler arqaǵa sheginip nabıt bolatuǵınlardan emespiz. Al, isenip qutqarılatuǵınlardanbız.

Evreyler 10:38-39

Biraq Iysa oǵan: – Atızdı súriwdi baslap, artına qaray beretuǵın adam Qudaydıń Patshalıǵına ılayıqlı emes, – dedi.

Luka 9:62

Al men Iyemiz Iysa Masiyxtıń atanaq aǵashınan basqa bir nárse menen hesh qashan maqtanbayman. Usı atanaq aǵash arqalı dúnya men ushın ólgen, men de dúnya ushın ólgenmen.

Galatiyalılar 6:14

Quday menen birge miynet etip atırǵan bizler sizlerden ótinish etemiz: ózlerińiz qabıl qılǵan Onıń miyrimine itibarsızlıq penen qaramań.

2 Korinfliler 6:1

Sizlerdiń arańızda jaqsı isti baslaǵan Qudaydıń bunı Masiyx Iysanıń kúnine shekem tolıq tamamlaytuǵınına anıq isenemen.

Filipliler 1:6