Kúndelik Jarıq
Minekey, bizlerdi qorshaǵan usınday kóp sanlı gúwalar toparı bar eken. Sonlıqtan bizler de kesent beretuǵın hár bir júkti hám ózlerimizge tez jabısatuǵın gúnanı taslap, Quday aldımızǵa qoyǵan jarısta shıdamlılıq penen juwırayıq. Isenimimizdiń tiykarın salıwshı hám onı minsizlikke eristiriwshi Iysaǵa kóz tigeyik. Ol Ózin kútip turǵan quwanısh ushın, atanaq aǵashta shegeleniwdiń shermendeshiligin pisent etpey ólimge barıp, Qudaydıń taxtınıń oń jaǵına otırdı.
Evreyler 12:1-2
Sonda Iysa hámmege bılay dedi: – Kim de kim Maǵan ergisi kelse, ózinen keshsin hám hár kúni óz atanaq aǵashın arqalap, Meniń izime ersin.
Luka 9:23
Solay etip, sizlerdiń hár birińiz ózińizge tiyisli hámme zattan waz keshpeseńiz, Meniń shákirtim bola almaysız.
Luka 14:33
Tún ótip, kúndiz jaqınladı. Sonlıqtan qarańǵılıqtıń islerin taslap, nurdıń sawıt-quralların taǵıp alayıq.
Rimliler 13:12
Jarısqa qatnasatuǵınlardıń hámmesi ózlerin barlıq nárseden tıyadı. Olar bunı ótkinshi tajdı alıw ushın isleydi. Al bizler máńgilik tajdı alıw ushın háreket etemiz.
1 Korinfliler 9:25
Al, basqalarǵa Xosh Xabardı járiyalap, ózim ılayıqsız adam bolıp qalmawım ushın, ózimdi tıyıp, denemdi baǵındırıp atırman.
1 Korinfliler 9:27
Tuwısqanlar, men ózimdi usı maqsetke jettim dep esaplamayman. Tek ǵana izde qalǵanlardı esten shıǵarıp, aldındaǵılarǵa umtılıp atırman. Qudaydıń sıyına, Onıń Masiyx Iysa arqalı aspanǵa shaqırıwına erisiw ushın, men belgilengen maqsetke jetiwge tırısıp atırman.
Filipliler 3:13-14
Kelińler, Jaratqan Iyeni biliwge umtılayıq, Onı biliwge ǵayrat salayıq. Ol tań atıwınday sózsiz keledi, Jerdi suwǵaratuǵın jawın sıyaqlı, Awa, báhár jawınınday bizlerge keledi».
Hoshea 6:3
Mukaddes Kitap úzindileri Daily Light on the Daily Path kitabıńan (jámiyetlik múlk).
Jan 29, 2026
Genesis 16:13
Jan 28, 2026
Deuteronomy 33:25
Jan 27, 2026
1 John 3:5
Jan 26, 2026
Hebrews 13:13-14
Jan 25, 2026
Romans 3:22
Jan 24, 2026
Philippians 4:5
Jan 23, 2026
Romans 5:5
