Thursday, January 29, 2026

Atqarıwshılardıń jetekshisine. Dawıttıń jırı Jaratqan Iye, meni jawızlardan qutqar, Zalımlardan qorǵa. Olar júreklerinde jawız joba dúzedi, Bárqulla urıs-jánjel qozǵaydı. Tillerin jılannıń tilindey ótkir qılar, Awızlarında jılan záhári bar. Selah

Zabur 139:1-4

Menmenler men ushın duzaq qurdı, Jawızlar jolıma tor tasladı, Olar maǵan qaqpan qoydı. Selah

Zabur 139:6

Jaratqan Iyeniń kózi hámme jerde, Ol jamandı da, jaqsını da kórip turar.

Hikmetler 15:3

Adamnıń jolları Jaratqan Iyeniń kóz aldında, Ol onıń barlıq adımların baqlap turadı.

Hikmetler 5:21

Iysa olarǵa bılay dedi: – Sizler ózlerińizdi adamlar aldında haq qılıp kórsetesizler, biraq Quday júregińizdi biledi. Adamlar qımbat dep sanaǵan nárse Quday aldında jerkenishli.

Luka 16:15

Jaratqan Iye Ózine shın júrekten sadıq bolǵanlarǵa kúsh-quwat berip turıw ushın, pútkil jer júzine názer salıp turadı. Siz aqılsızlarsha is tuttıńız, sol sebepli bunnan bılay siziń basıńız urıstan shıqpaydı.

2 Jılnama 16:9

Biraq Iysa hámme adamlardıń kewillerin bilgenlikten, Ózin olarǵa isenbedi. Oǵan adam haqqında hesh kimniń gúwalıǵınıń hájeti joq edi. Óytkeni adamnıń kewlinde ne bar ekenin Ol biletuǵın edi.

Yuxan 2:24-25

Úshinshi márte Iysa onnan: – Yuxan ulı Shimon, Meni jaqsı kóreseń be? – dep soradı. Petr Onıń ózinen úshinshi márte: «Meni jaqsı kóreseń be?» – dep soraǵanına qapa boldı. – Iyem, Sen hámmesin bileseń, Seni súyetuǵınımdı da bileseń, – dedi Petr. Iysa oǵan bılay dedi: – Qozılarımdı otlat.

Yuxan 21:17