Saturday, January 24, 2026

Óytkeni Iyemizdiń Ózi buyırǵan bálent dawıs astında, bas perishteniń sesti hám Qudaydıń kárnayınıń hawazı menen aspannan kelgende, dáslep Masiyxqa isengen óliler tiriledi. Onnan soń, jasap atırǵan bizler, yaǵnıy tiri qalǵanlar olar menen birge Iyemizdi hawada kútip alıw ushın, bultlar ishine alınıp kóterilemiz. Solay etip, hámme waqıt Iyemiz benen birge bolamız. Mine, usı sózler menen bir-birińizdi jubatıńlar.

1 Salonikalılar 4:16-18

Bulardı gúwalıq etip aytqan Iyemiz: «Awa, Men jıldam kelemen», – deydi. Awmiyin! Kele gór, Iyem Iysa!

Ayan 22:20

Sonlıqtan súyikli tuwısqanlarım, usılardı kútip júrgen ekensiz, Qudaydıń aldında kemshiliksiz hám minsiz bolıwǵa bar kúshińiz benen háreket etip, tınısh jasańlar.

2 Petr 3:14

Hár qanday jamanlıqtan qashıńlar. Tınıshlıq beriwshi Qudaydıń Ózi sizlerdi tolıq muxaddes qılsın: pútkil ruwxıńız, janıńız hám deneńizdi Iyemiz Iysa Masiyxtıń keliwine kemshiliksiz qılıp saqlasın. Sizlerdi shaqırǵan Quday sadıq, Ol usını ámelge asıradı.

1 Salonikalılar 5:22-24

Sizler de sabırlı bolıp, bekkem turıńlar! Óytkeni Iyemizdiń keletuǵın waqtı jaqın.

Yaqıp 5:8