Monday, January 19, 2026

Biraq, sizlerdiń arańızda bunday bolmasın. Arańızda kim ullı bolǵısı kelse, sol sizlerge xızmetshi bolıwı shárt. Arańızda kim birinshi bolǵısı kelse, sol sizlerge qul bolıwı shárt. Adam Ulı Ózine xızmet ettiriwge emes, al Ózi xızmet etiwge hám kóplerdiń azatlıq qunın tólew ushın, Óz janın baǵıshlawǵa keldi.

Matta 20:26-28

Eger kim de kim hesh nárse bolmasa da, ózin áhmiyetli adam dep esaplasa, óz-ózin aldaǵan boladı.

Galatiyalılar 6:3

Qudaydıń maǵan bergen miyriminen paydalanıp, hámmeńizge aytıp atırman: ózińizdi shekten tıs joqarı bahalamańlar. Kerisinshe, hár bir adam Qudaydıń ózine bergen isenimine qaray, ózin ılayıqlı bahalasın.

Rimliler 12:3

Sol sıyaqlı sizler de ózlerińizge buyırılǵannıń hámmesin orınlaǵannan soń: «Bizler arzımaytuǵın qullarmız, tek wazıypamızdı ǵana orınladıq», – deńler.

Luka 17:10

Bizler maqtanısh tutatuǵın hám pák hújdanımız benen gúwalıq beretuǵın nársemiz mınaw: bizler dúnyaǵa, ásirese sizlerge adamnıń danalıǵı menen emes, al Qudaydıń miyrimi menen, Qudaydan kelgen hadallıq hám haq niyet penen qatnas jasadıq.

2 Korinfliler 1:12

Biz elshiler usı ǵáziyneni ılay ıdıs sıyaqlı bolǵan denemizde alıp júrmiz. Bul ullı qúdirettiń bizlerden emes, al Qudaydan ekenligi kórinip tur.

2 Korinfliler 4:7