Wednesday, January 14, 2026

Iysa olarǵa bılay dedi: – Duwa etkenińizde bılay deńler: Áke! Seniń atıń muxaddes bola bersin. Seniń Patshalıǵıń kelsin.

Luka 11:2

Iysa oǵan: – Maǵan qol tiygizbe! Sebebi Men ele Ákemniń janına kóterilmedim. Al sen tuwısqanlarıma barıp, Meniń Ákemniń hám sizlerdiń Ákeńizdiń, Meniń Qudayımnıń hám sizlerdiń Qudayıńızdıń aldına kóterilip baratırǵanımdı ayt, – dedi.

Yuxan 20:17

Biraq bul dúnya Meniń Ákemdi súyetuǵınımdı hám Onıń Maǵan buyırǵanlarınıń hámmesin orınlaytuǵınımdı biliwi tiyis. Qáne turıńlar, bul jerden keteyik.

Yuxan 14:31

Meniń Ákede, Ákeniń Mende ekenine isenbeyseń be? Sizlerge aytqan sózlerimdi Ózligimnen aytıp turǵan joqpan, al Mende jasap atırǵan Áke Óz islerin islep atır.

Yuxan 14:10

Áke Óz Ulın súyedi hám hámme nárseni Onıń qolına tapsırǵan.

Yuxan 3:35

Sebebi Seniń Oǵan bergen adamlarıńnıń hámmesine Ol máńgilik ómir bersin dep, Sen Oǵan pútkil adamzat ústinen biylik berdiń.

Yuxan 17:2

Filip Iysaǵa: – Iyem, bizlerge Ákeni kórset, bizlerge sonıń ózi jetkilikli, – dedi. Iysa oǵan bılay dedi: – Filip, Men sonsha waqıttan beri sizler menen birge bolsam da, Meni ele bilmeyseń be? Meni kórgen Ákeni kórgen boladı. Sen ne ushın: «Bizlerge Ákeni kórset», – dep aytıp atırsań? Meniń Ákede, Ákeniń Mende ekenine isenbeyseń be? Sizlerge aytqan sózlerimdi Ózligimnen aytıp turǵan joqpan, al Mende jasap atırǵan Áke Óz islerin islep atır.

Yuxan 14:8-10

Men hám Ákem birmiz.

Yuxan 10:30

Ákeniń Meni súygeni sıyaqlı, Men de sizlerdi súydim. Meniń súyispenshiligime sadıq bolıńlar. Men Ákemniń buyrıqların orınlap, Onıń súyispenshiligine sadıq bolǵanımday, sizler de eger Meniń buyrıqlarımdı orınlasańlar, Meniń súyispenshiligime sadıq bolasızlar.

Yuxan 15:9-10