Saturday, January 10, 2026

Háy kúyewler, Masiyx iseniwshiler jámáátin súyip, onıń ushın Ózin qurban etkeni sıyaqlı, sizler de hayallarıńızdı súyińler.

Efesliler 5:25

Bunı Ol ústinde hesh bir daq, jıyrıq yamasa buǵan uqsaǵan bir nársesi joq, muxaddes hám minsiz bolǵan saltanatlı jámáátti Ózine alıw ushın isledi.

Efesliler 5:27

Bizler usı Masiyx haqqında hámmege járiyalap atırmız. Masiyx penen qatnasta bolǵan hár bir adamdı Qudayǵa jetilisken qılıp usınıw ushın, bizler hár bir adamdı eskertip, tolıq danalıq penen tálim bermektemiz.

Kolosalılar 1:28

Sonda hár qanday aqıl-oydan zıyat bolǵan Qudaydıń tınıshlıǵı Masiyx Iysa arqalı kewillerińizdi hám oy-pikirlerińizdi qorǵaydı.

Filipliler 4:7

Júreklerińizde Masiyxtıń tınıshlıǵı húkimdarlıq etsin. Sizler bir deneniń músheleri bolıp, usı tınıshlıqqa shaqırıldıńız. Jáne de, shúkirlik bildirińler.

Kolosalılar 3:15

Iyemiz Iysa Masiyxtıń Ózi hám bizlerdi súyip, miyrim-shápááti menen bizlerge sheksiz jubanısh hám jaqsı úmit bergen Ákemiz Quday sizlerdiń kewillerińizdi jigerlendirip, hár qanday jaqsı iste hám sózde de kúsh-quwat bersin.

2 Salonikalılar 2:16-17

Ol keletuǵın kúni ayıpsız bolıwıńız ushın, Quday sizlerdi aqırına deyin bekkem qıladı.

1 Korinfliler 1:8