Saturday, January 3, 2026

Jaratqan Iye Izraildı shólden, Ízǵırǵan qula dúzden tawıp aldı, Onı orap alıp, ǵamxorlıq qıldı, Kóziniń qarashıǵınday etip qorǵadı. Inindegilerin oyatıp atırǵan, Óz palapanların dógereklep aylanǵan, Qanatların jayıp, palapanların kótergen, Qanatları ústinde olardı alıp júrgen búrkittey, Jaratqan Iye jalǵız Ózi Izraildı alıp júrdi, Jat qudaydıń hesh qanday járdemisiz.

Nızamnıń qaytalanıwı 32:10-12

Qartayǵanıńızda da, Men solay isleymen, Shashıńız aǵarǵanda da, sizlerdi kóteremen. Men sizlerdi jarattım, Ózim qollayman, Sizlerdi kóterip júremen, qutqaraman.

Iyshaya 46:4

Jaratqan Iyeniń tawına kim shıǵıwı múmkin? Onıń muxaddes jerinde kim turıwı múmkin? Qolları pák, júregi taza bolǵan, Kewlin jalǵan nárselerge bermegen, Jalǵannan ant ishpegen adam.

Zabur 23:3-4

Jaratqan Iye seni bárqulla jetekleydi, Qurǵaq jerde de keregiń menen támiyinleydi. Súyegińe quwat beredi. Sen suwǵarılǵan baǵ kibi, Suwı qurımaytuǵın bulaq kibi bolasań.

Iyshaya 58:11

Ózine isengenlerdiń aqıbeti, Olardıń sózin maqullaǵanlardıń táǵdiri mınaday bolar: Selah

Zabur 48:14

– Bilip qoyıńız, Qudaydıń qúdireti ullı, Ol kibi tálim beretuǵın ustaz bar ma?

Ayup 36:22