Kalendarlar

Monday, December 29, 2025

Kúndelik Jarıq

Dec 29, 2025

Sol sebepten aqılsız bolmay, Iyemizdiń qálewiniń ne ekenin túsinińler.

Efesliler 5:17

Qudaydıń erki – sizlerdiń muxaddes bolıwıńızdan ibarat. Yaǵnıy, Ol sizlerdiń jınısıy buzıqshılıqtan awlaq júriwińizdi,

1 Salonikalılar 4:3

Quday menen jaras, tınıshlıqta bol, Sonda bereket tabarsań.

Ayup 22:21

Máńgilik ómir – bul Seni, jalǵız haq Qudaydı hám Sen jibergen Iysa Masiyxtı biliw.

Yuxan 17:3

Jáne de, Qudaydıń Ulı kelip, haqıyqıy Qudaydı biliwimiz ushın aqıl-oy bergenin de bilemiz. Bizler haqıyqıy Qudayda, yaǵnıy Onıń Ulı Iysa Masiyxtamız. Ol – haqıyqıy Quday hám máńgilik ómir.

1 Yuxan 5:20

Sol sebepten usılar haqqında esitken kúnimizden baslap, bizler de sizler ushın úzliksiz duwa etip, Qudaydıń qálewin pútkil ruwxıy danalıq hám túsinik penen tolıq biliwińiz ushın sorap atırmız.

Kolosalılar 1:9

Iyemiz Iysa Masiyxtıń Qudayı, dańq-saltanatqa iye Áke Ózin biliwińiz ushın, sizlerge danalıq hám ayan beriwshi Muxaddes Ruwxın bersin dep, Qudaydan sorap atırman. Qudaydıń shaqırıǵınan payda bolǵan úmitti hám Onıń muxaddeslerge bergen ullı miyrasınıń qanshelli bay ekenin biliwińiz ushın, júreklerińizdiń kózleri ashılsın dep, duwa etip atırman. Jáne de, Iysaǵa isengen bizlerde úlken qúdiret penen háreket etken Qudaydıń kúshiniń qanshelli ullı ekenin biliwińiz ushın da duwa etip atırman.

Efesliler 1:17-19

Jasalma intellekt járdeminde awdarılanǵan, Muqaddas Kitap citataları da sonda — qálegen siltemeni ashıp, Muxaddes Kitap awdarmasında oqıń.

The Bible in the Karakalpak language (ISO:kaa) published in 2022

Mukaddes Kitap úzindileri Daily Light on the Daily Path kitabıńan (jámiyetlik múlk).

Sońǵı kúnler