Tuesday, December 23, 2025

Men sizler ushın dúzgen jobalarımdı Ózim bilemen, – deydi Jaratqan Iye. – Bul jobalarım sizlerge apat emes, al abadanshılıq alıp keledi, keleshekke úmit baǵıshlaydı.

Eremiya 29:11

Biraq burın Qudaydan uzaq bolǵan sizler endi Masiyx Iysa menen qatnas jasap, Masiyxtıń qanı arqalı Qudayǵa jaqın boldıńlar. Óytkeni Masiyxtıń Ózi – yahudiyler menen basqa milletlerdi birlestirgen biziń jarastırıwshımız. Ol Óz denesin qurban etip, aradaǵı ayırıp turǵan diywaldı, yaǵnıy dushpanlıqtı joq qıldı.

Efesliler 2:13-14

Sebebi Quday Óziniń pútkil tolılıǵınıń Onda bolıwın maqul kórdi. Masiyxtıń atanaq aǵashtaǵı qanı arqalı tınıshlıq ornatıp, Quday Ol arqalı jer hám aspandaǵılardıń barlıǵın Ózi menen jarastırıwdı qáledi.

Kolosalılar 1:19-20

Biraq, adamlar Qudaydıń miyrimi menen, Iysa Masiyxtıń qanı arqalı esheyin aqlanadı. Masiyxqa degen isenim menen, Onıń qanı arqalı gúnaları keshirilsin dep, Quday Masiyxtı adamlar ushın qurbanlıqqa baǵıshladı. Quday bul arqalı Óz ádilligin kórsetti. Sebebi Quday sabırlılıq etip, burınnan beri islengen gúnalardı keshirdi. Jáne de, házirgi waqıtta Ol ádilligin dálillep, Óziniń haq ekenin hám Iysaǵa isengen hár bir adamdı aqlaytuǵının kórsetti.

Rimliler 3:24-26

Eger gúnalarımızdı moyınlasaq, sadıq hám haq Quday gúnalarımızdı keshirip, bizlerdi hár qanday jamanlıqtan tazalaydı.

1 Yuxan 1:9

Jaratqan Iyege máńgige úmit bayla, Óytkeni Ol máńgilik súyewshi jartas.

Iyshaya 26:4