Wednesday, December 17, 2025

Ruwx ómir beredi, al dene payda keltirmeydi. Sizlerge aytqan sózlerim ruwx hám ómir.

Yuxan 6:63

Sonıń menen birge, Muxaddes Ruwx ta hálsiz bolǵan bizlerge járdem beredi. Óytkeni bizler qalay duwa etiw kerekligin bilmeymiz. Biraq, Muxaddes Ruwxtıń Ózi sóz benen aytıp jetkize almaytuǵın dárejede nala shegip, bizler ushın Qudaydan ótinish etedi. Adamlardıń kewillerinde ne bar ekenin biliwshi Quday Muxaddes Ruwxtıń oy-pikirlerin biledi. Sebebi Muxaddes Ruwx muxaddesler ushın Qudaydıń erki boyınsha ótinish etedi.

Rimliler 8:26-27

Hár túrli tilek hám jalbarınıw menen, Muxaddes Ruwxtıń basqarıwında hámme waqıt duwa etińler. Usı maqset penen sergek bolıp, pútkil muxaddesler ushın taban tirep sorańlar.

Efesliler 6:18

I will never forget your precepts, for with them, you have revived me.

Psalms 119:93

Ruwx ómir beredi, al dene payda keltirmeydi. Sizlerge aytqan sózlerim ruwx hám ómir.

Yuxan 6:63

Quday bizlerdi jańa kelisimniń xızmetshileri qıldı. Jańa kelisim jazılǵan nızam tiykarında emes, al Muxaddes Ruwx tiykarında payda boldı. Sebebi jazılǵan nızam ólimge húkim etedi, al Muxaddes Ruwx ómir beredi.

2 Korinfliler 3:6

Eger sizler Mende bolıp, Meniń sózlerim sizlerde bolsa, qálegenińizdi sorańlar, sizlerge beriledi.

Yuxan 15:7

Bizlerde Oǵan degen mınaday batıllıq bar: Qudaydıń erkine say ne sorasaq ta, Ol bizlerdi esitedi.

1 Yuxan 5:14

Sonlıqtan mına nárseni biliwińizdi qáleymen: Qudaydıń Ruwxınıń basqarıwında sóyleytuǵın hesh bir adam: «Iysaǵa nálet jawsın», – dep aytpaydı. Jáne de, tek Muxaddes Ruwx basqaratuǵın adam ǵana: «Iysa – meniń Iyem», – dep ayta aladı.

1 Korinfliler 12:3