Wednesday, December 10, 2025

Sonlıqtan bul sebepli azap shegip atırman. Biraq ta, men arlanbayman. Sebebi Kimge isengenimdi bilemen hám maǵan tapsırılǵandı Onıń Óziniń sol kúnge deyin saqlay alatuǵınına da isenemen.

2 Timofey 1:12

Qudaydıń aldında hám tiriler menen ólilerdi húkim etetuǵın Masiyx Iysanıń aldında Onıń qayta keliwi hám Patshalıǵı haqı qatań buyıraman:

2 Timofey 4:1

Biraq, bulardıń hámmesiniń ústinen bizlerdi súyetuǵın Masiyx sebepli úlken jeńiske erisemiz. Óytkeni men isenemen: ólim de, ómir de, perishteler de, hákimshilikler de, házirgi hám keleshek zaman da, kúshler de, bálentlik te, tereńlik te, ulıwma, jaratılǵan hesh bir nárse bizlerdi Qudaydıń bizlerge Iyemiz Masiyx Iysa arqalı bergen súyispenshiliginen ayıra almaydı.

Rimliler 8:37-39

Sebebi sizler bul dúnya ushın ólgensizler hám jańa ómirińiz Masiyx penen birge Qudayda jasırılǵan.

Kolosalılar 3:3

Qulaq salıńlar, súyikli tuwısqanlarım: Quday bul dúnyada jarlı bolǵanlardı isenimde bay bolıwı hám Ózin súygenlerge wáde etken Patshalıǵınıń miyrasxorları bolıwı ushın tańlamadı ma?

Yaqıp 2:5

Iyemiz Iysa Masiyxtıń Ózi hám bizlerdi súyip, miyrim-shápááti menen bizlerge sheksiz jubanısh hám jaqsı úmit bergen Ákemiz Quday sizlerdiń kewillerińizdi jigerlendirip, hár qanday jaqsı iste hám sózde de kúsh-quwat bersin.

2 Salonikalılar 2:16-17