Wednesday, December 3, 2025

Jaratqan Iye ushın múmkin emes nárse bar ma? Men belgilengen waqıtta, kelesi jılı usınday waqıtta janıńa qaytqanımda, Sara ullı boladı, – dedi.

Jaratılıs 18:14

Ayıplarım basımnan astı, Olar awır júk bolıp, jelkemdi bastı.

Zabur 37:5

Hesh nárseden táshiwish shekpeńler. Al hámme nárse ushın Qudayǵa duwa etip hám jalbarınıp, hár bir tilegińizdi Oǵan shúkirlik penen bildirińler.

Filipliler 4:6

Barlıq ǵam-táshiwishlerińizdi Oǵan tapsırıńlar. Óytkeni Ol sizlerge ǵamxorlıq qıladı.

1 Petr 5:7

Xizkiya xattı elshilerdiń qolınan alıp oqıǵannan soń, Jaratqan Iyeniń Úyine bardı hám xattı Jaratqan Iyeniń aldına jayıp qoydı. Keyin Jaratqan Iyeniń aldında duwa etip, bılay dedi:

Iyshaya 37:14-15

Meni shaqırmastan-aq, olarǵa juwap beremen, Aytpay atırıp, esitemen.

Iyshaya 65:24

Solay etip, shıpa tabıwıńız ushın, bir-birińizdiń aldıńızda gúnalarıńızdı moyınlańlar hám bir-birińiz ushın duwa etińler. Haq adamnıń duwası júdá kúshli tásirge iye.

Yaqıp 5:16

Barlıq milletler, Jaratqan Iyege alǵıs-maqtawlar aytıń! Barlıq xalıqlar, Onı dańqqa bóleń! Bizlerge kórsetken súyispenshiligi ullı, Jaratqan Iyeniń sadıqlıǵı máńgige dawam etedi. Haliluya!

Zabur 116:1-2