Thursday, November 27, 2025

Patsha Uzziya ólgen jılı men biyik hám saltanatlı taxt ústinde otırǵan Iyemizdi kórdim. Onıń kiyiminiń etekleri Ibadatxananı toltırıp turǵan edi. Onıń joqarısında seraflar turǵan bolıp, hár biriniń altı qanatı bar edi. Olar eki qanatı menen júzin, eki qanatı menen ayaqların jawıp, al qalǵan ekewi menen ushıp turǵan edi. Olar bir-birine dawıslap bılay dep aytıp turdı: «Álemniń Jaratqan Iyesi, Muxaddes, muxaddes, muxaddes! Pútkil álem Onıń saltanatına tolǵan».

Iyshaya 6:1-3

Iyshaya Iysanıń ullılıǵın kórgenlikten, Ol haqqında sóylep, usı sózlerdi aytqan edi.

Yuxan 12:41

Gúmbezdiń ústinde lazuritten islengen taxtqa uqsaǵan bir nárse bar edi. Onda insan kórinisinde birew otırǵan edi.

Ezekiel 1:26

Onıń átirapındaǵı nur jawınlı kúni bultta payda bolatuǵın ayqulaqqa uqsar edi. Bul kórinis Jaratqan Iyeniń saltanatınıń kórinisi edi. Bunı kórgende, et betimnen jıǵıldım hám birewdiń sóylegen dawısın esittim.

Ezekiel 1:28

Sonda Muwsa Oǵan: – Maǵan saltanatıńdı kórset, – dedi.

Shıǵıw 33:18

Tek Meniń júzimdi kóre almaysań. Óytkeni Meniń júzimdi kórgen adam tiri qalmaydı.

Shıǵıw 33:20

Hesh kim hesh qashan Qudaydı kórgen emes. Biraq Onı Ákeniń qushaǵındaǵı Ózi Quday bolǵan jalǵız Ul tanıttı.

Yuxan 1:18

Sebebi «Qarańǵılıqtan nur jarqırasın», – dep buyırǵan Quday Masiyxtıń júzinde jarqıraǵan Óziniń dańqın biliwimiz ushın júreklerimizdi jaqtı qıldı.

2 Korinfliler 4:6