Monday, November 24, 2025

Óytkeni muxaddes qılıwshı Iysa hám Ol muxaddes qılǵan iseniwshilerdiń hámmesi bir Ákeden. Sonlıqtan Iysa olardı «tuwısqanlarım» dep atawǵa uyalmaydı. Iysa Qudayǵa bılay deydi: «Tuwısqanlarıma Seniń atıńdı járiyalayman, Jámiyet aldında Saǵan alǵıs-maqtaw aytaman».

Evreyler 2:11-12

Iysa Masiyxqa isenetuǵınlar ushın súnnetleniwdiń de, súnnetlenbewdiń de hesh qanday áhmiyeti joq. Tek súyispenshilik penen háreket etken isenim ǵana áhmiyetli.

Galatiyalılar 5:6

Eger sizler buyırǵanlarımdı orınlasańlar, Meniń doslarım bolasızlar.

Yuxan 15:14

Biraq Iysa oǵan: – Qudaydıń sózin tıńlap, onı orınlawshılar onnan da baxıtlı! – dedi.

Luka 11:28

Maǵan: «Iye! Iye!» degenniń hár biri emes, tek aspandaǵı Ákemniń erkin orınlawshı Aspan Patshalıǵına kiredi.

Matta 7:21

Biraq Iysa olarǵa bılay dedi: – Meniń awqatım – Meni Jibergenniń erkin orınlaw hám Onıń isin tamamlaw.

Yuxan 4:34

Eger Onıń menen qarım-qatnastamız dep, qarańǵılıqta júrgen bolsaq, jalǵan sóylep, haqıyqat boyınsha jasamaǵan bolamız.

1 Yuxan 1:6

Biraq Qudayǵa degen súyispenshilik Onıń sózin orınlaǵan adamda haqıyqattan kámal tabadı. Qudayda ekenimizdi usı arqalı bilip alamız.

1 Yuxan 2:5