Wednesday, November 19, 2025

Perzentlerim! Hesh kimge ózlerińizdi aldatpańlar. Masiyxtıń haq bolǵanı sıyaqlı, haq is islegen adam da haq.

1 Yuxan 3:7

Bir bulaqtan hám dushshı, hám ashshı suw shıǵa ma? Tuwısqanlarım! Ánjir aǵashı záytún yamasa júzim aǵashı ánjir bere ala ma? Ashshı bulaq ta dushshı suw bere almaydı. Arańızda dana hám túsimpaz adam kim? Bunday adam óz danalıǵın jaqsı júris-turısı arqalı kórsetip, kishipeyillik penen jaqsı isler islewi tiyis.

Yaqıp 3:11-13

Isenbeytuǵınlar arasında hadal ómir súrińler. Olar sizlerdi jamanlıq islewshiler, dep ayıplasa da, jaqsı islerińizdi kórip, Quday keletuǵın kúni Onı alǵıslaydı.

1 Petr 2:12

Terekti jaqsı dep sanasańlar, miywesin de jaqsı dep sanańlar, al terekti jaman dep sanasańlar, miywesin de jaman dep sanańlar. Sebebi terek miywesinen bilinedi.

Matta 12:33

Jaqsı adam kewlindegi jaqsılıq ǵáziynesinen jaqsılıq shıǵaradı, al jaman adam kewlindegi jamanlıq ǵáziynesinen jamanlıq shıǵaradı.

Matta 12:35

Júzimzarım ushın jáne ne qılayın? Men oǵan islemegen ne qaldı? Men jaqsı júzim kútken edim, Ol nege jabayı júzim berdi?

Iyshaya 5:4