Saturday, November 15, 2025

Ózlerimiz tán alǵan úmitimizdi ekilenbey bekkem saqlayıq. Sebebi wáde bergen Quday sadıq.

Evreyler 10:23

Qudaydıń ibadatxanası menen butlar arasında qanday birlik bolıwı múmkin? Hesh qanday! Sebebi bizler tiri Qudaydıń ibadatxanasımız. Quday bılay deydi: «Men olar arasında jasap, Olar arasında júretuǵın bolaman». «Men olardıń Qudayı bolaman, Olar Meniń xalqım boladı».

2 Korinfliler 6:16

Sizler de bizler menen qarım-qatnasta bolıwıńız ushın, kórgenimizdi hám esitkenimizdi sizlerge járiyalap atırmız. Bizlerdiń qarım-qatnasımız bolsa, Áke hám Onıń Ulı Iysa Masiyx penen boladı.

1 Yuxan 1:3

Kerisinshe, Masiyxtıń azaplarına sherik bolǵanıńızǵa quwanıńlar. Solay etip, Masiyx saltanat penen kelgende, quwanıp shadlanasızlar.

1 Petr 4:13

Isenimińiz arqalı Masiyx júreklerińizde jasasın. Súyispenshilikke tamır urıp hám tiykarlanıp, barlıq muxaddesler menen birge Masiyxtıń súyispenshiliginiń qanshelli keń, uzın, biyik hám tereń ekenligin túsinip alǵaysız. Jáne de, sizler aqıl-oyǵa sıymaytuǵın usı súyispenshilikti bilip, Qudaydıń pútkil tolılıǵına tolıp barǵaysız.

Efesliler 3:17-19

Kim de kim Iysanı Qudaydıń Ulı dep tán alsa, Quday onda, ol da Qudayda boladı.

1 Yuxan 4:15

Qudaydıń buyrıqların orınlaǵan adam Qudayda, Quday da onda boladı. Onıń bizlerde ekenin Onıń bizlerge bergen Ruwxı arqalı bilemiz.

1 Yuxan 3:24