12 Sol sebepten sizler bulardı bilip, ózińizdegi haqıyqattı bekkem tutsańlar da, men usılardı sizlerge hámme waqıt esletip turıwǵa tayarman. 13 Bul denede jasaǵan waqtımda yadıńızda bolǵan nárselerdi esletip turıwdı durıs dep taptım. 14 Óytkeni Iyemiz Iysa Masiyxtıń maǵan bildiriwi boyınsha, bul deneden ayırılatuǵın waqtımnıń jaqın ekenin bilemen. 15 Men bul dúnyadan ketkenimnen soń da bulardı hámme waqıt eslep tura alıwıńız ushın, jan-tánim menen tırısaman.
16 Bizler Iyemiz Iysa Masiyxtıń qúdiretin hám qayta keliwin sizlerge málim etkenimizde, yadtan oylap tabılǵan ańızlarǵa tiykarlanbadıq. Al Onıń ullılıǵın óz kózlerimiz benen kórgen edik. 17 Sebebi qúdiretli hám ullı Qudaydan Iysaǵa: «Bul – Meniń súyikli Ulım, Men Oǵan ırzaman», – degen saza esitilgende, Ol Quday Ákeden dańq hám saltanat aldı. 18 Onıń menen birge muxaddes tawda bolǵanımızda, aspannan kelgen usı sazanı bizler de esittik.
17 Sebebi qúdiretli hám ullı Qudaydan Iysaǵa: «Bul – Meniń súyikli Ulım, Men Oǵan ırzaman», – degen saza esitilgende, Ol Quday Ákeden dańq hám saltanat aldı.
1 Sol waqıtta patsha Hirod iseniwshiler jámáátiniń geybir adamların quwdalay basladı. 2 Ol Yuxannıń tuwısqanı Yaqıptı qılısh penen óltirtti. 3 Bunıń yahudiy basshılarına jaqqanın kórip, izinen Petrdi de uslatpaqshı boldı. Ashıtqısız nan bayramı kúnleri edi.
2 Petr 1:12–18 · 2 Petr 1:17 · Elshiler 12:1–3 · QrqMK22
