Sunday, November 9, 2025

Men, tek jalǵız Men – Jaratqan Iyemen. Mennen basqa Qutqarıwshı joq.

Iyshaya 43:11

Quday jalǵız hám Quday menen adamlardıń arasındaǵı Táwelleshi, Ózi adam bolǵan Masiyx Iysa da jalǵız.

1 Timofey 2:5

Iysadan basqa hesh kim arqalı qutqarılıw joq. Qutqarılıwımız ushın aspan astında adamlarǵa berilgen basqa hesh bir at joq.

Elshiler 4:12

Sebebi bizler ushın bir náreste tuwıldı, Bir ul inam etildi! Húkimdarlıq onıń jelkesine júklenedi, Onıń atı: Ájayıp Másláhátshi, Kúshli Quday, Máńgilik Áke, Paraxatshılıq Kósemi boladı.

Iyshaya 9:6

Al Óz ullılıǵınan waz keship, qul kelbetin qabılladı. Ol adam bolıp tuwılıp, adam kórinisinde keldi. Ol Ózin pás tuttı hám ólimge, hátte, atanaq aǵashtaǵı ólimge barıp, Qudayǵa boysındı. Sonlıqtan da, Quday Onı eń biyik mártebege eristirdi hám Oǵan barlıq atlardan joqarı turatuǵın attı berdi.

Filipliler 2:7-9

Biraq bizler perishtelerden az waqıtqa tómenirek qoyılǵan Iysanıń ólim azabın shekkeni ushın, dańq-húrmet tajın kiygenin kórip turmız. Awa, Ol Qudaydıń miyrimi menen hámme adamlar ushın ólimdi basınan keshirgen edi.

Evreyler 2:9

Bul balalar et hám qannan ibarat bolǵanlıqtan, Iysanıń Ózi de olarǵa teńlesip, et hám qannan ibarat bolǵan adamnıń denesine iye boldı. Bunı Ol ólim ústinen biylikke iye bolǵandı, yaǵnıy shaytandı Óz ólimi arqalı nabıt qılıw ushın

Evreyler 2:14