Tuesday, November 4, 2025

Súyikli tuwısqanlarım, sizlerdi sınaw ushın keletuǵın awır azaptı tań qalarlıq nárse dep, hayran bolmańlar. Kerisinshe, Masiyxtıń azaplarına sherik bolǵanıńızǵa quwanıńlar. Solay etip, Masiyx saltanat penen kelgende, quwanıp shadlanasızlar.

1 Petr 4:12-13

Qudaydıń Óz ullarına sóylegendey qılıp, sizlerge aytqan mına aqıl-násiyatın umıttıńız: «Balam! Jaratqan Iyeniń tárbiyasına itibarsız qarama, Ol áshkaralaǵanda júregińe awır alma.

Evreyler 12:5

Tárbiyalaw ushın berilgen hár bir jaza waqtında quwanısh emes, al qapagershilik alıp keledi. Biraq keyin ala ol usılay tárbiyalanǵan adamlarǵa tınıshlıq beriwshi haqlıq alıp keledi.

Evreyler 12:11

Ol – bizlerdiń hálsizliklerimizdi bólise alatuǵın bas ruwxaniy. Onıń Ózi hár tárepleme bizler sıyaqlı sınaldı, biraq gúna islemedi.

Evreyler 4:15

Onıń Ózi sınaqqa túsip, azap shekkenlikten, Ol sınaqqa túskenlerge de járdem ete aladı.

Evreyler 2:18

Sizlerdiń basıńızǵa hámme adamlardıń basına túsetuǵın sınaqlardan basqa sınaqlar túsken joq. Quday sadıq, Ol kúshińizden artıq sınaqlarǵa túsiwińizge jol qoymaydı. Sınaqlarǵa shıdawıńız ushın, Ol sınaqlar menen birlikte olardan shıǵıw jolın da beredi.

1 Korinfliler 10:13