Tuesday, November 18, 2025

Dawıt Gadqa: – Maǵan júdá qıyın. Adamnıń qolına túskenshe, Jaratqan Iyeniń qolına túseyin. Sebebi Onıń rehimi kúshli, – dep juwap berdi.

2 Patshalar 24:14

Al Men seniń menen birgemen, – deydi Jaratqan Iye, – Seni qutqaraman. Seni arasına shashqan, Millettiń bárin joq qılaman. Tek seni joq qılmayman. Biraq seni ádalatlıq penen tárbiyalayman, Seni jazasız qoymayman.

Eremiya 30:11

Suwlar tasımasın, jer júzin jáne qaplamasın dep, Olar ushın shegara qoydıń. Bulaqlardı saylarǵa qaray, Tawlar arası menen aǵızasań.

Zabur 103:9-10

Mallardı shópler menen támiyinleyseń, Adamlar miynet penen azıǵın alsın dep, Jerge eginler ósireseń.

Zabur 103:14

«Men belgilegen sol kúnde, olar Meniń ǵáziynem boladı», – deydi Álemniń Jaratqan Iyesi. «Áke ózine boysınǵan ulına qanday miyrim kórsetse, Men de olarǵa sonday miyrim kórsetemen.

Malaxiya 3:17

Iysa Petrge: – Shimon, Shimon! Adamlardıń biydaydı kepshik penen jelpigeni sıyaqlı, shaytan sizlerdi sınaw ushın ruxsat soraǵan edi. Biraq Men isenimiń tawısılmasın dep, sen ushın duwa ettim. Sen Maǵan qaytıp kelgenińde, tuwısqanlarıńnıń isenimin bekkemle, – dedi.

Luka 22:31-32

Sen jarlılarǵa, Apatqa ushıraǵanda, kámbaǵallarǵa pana boldıń. Boranda baspana, jáziyramada saya boldıń. Rehimsizlerdiń qáhárli demi, diywalǵa urılǵan dawılǵa,

Iyshaya 25:4