Tuesday, November 25, 2025

Hesh kim eki xojayınǵa xızmet ete almaydı. Sebebi ol birewin jek kórip, ekinshisin jaqsı kóredi yamasa birewine sadıq bolıp, ekinshisine itibarsız qaraydı. Sizler hám Qudayǵa, hám baylıqqa birdey xızmet ete almaysızlar.

Matta 6:24

Sizler gúnanıń qulı bolǵanıńızda, haqlıqtıń biyliginen azat edińler. Burın islegen islerińizden házir ózlerińiz de uyalasız. Sol waqıtları usı islerden ne arttırǵan edińiz? Olardıń aqırı ólim edi-ǵo. Biraq endi bolsa, sizler gúnanıń biyliginen azat etilip, Qudaydıń qulları boldıńlar. Sol sebepten muxaddeslikke erisip, aqırında máńgilik ómirdi alasız.

Rimliler 6:20-22

Masiyx Muxaddes Nızamnıń talapların tolıq orınlaǵanlıqtan, Oǵan isengen hár bir adam Quday aldında aqlanadı.

Rimliler 10:4

Kim de kim Maǵan xızmet etiwdi qálese, izime ersin. Men qay jerde bolsam, Meniń xızmetshim de sol jerde boladı. Kim de kim Maǵan xızmet etse, onı Ákem izzet etedi.

Yuxan 12:26

Moyıntırıǵımdı salıp, Mennen úyrenińler: óytkeni Men mómin hám kishipeyilmen. Solay etip, kewillerińiz tınıshlıq tabadı. Men bergen moyıntırıq ıńǵaylı, júgim jeńil, – dedi.

Matta 11:29-30

Qudayımız Jaratqan Iye, Sennen basqa iyeler bizlerge húkimdarlıq qıldı. Biraq bizler tek Seniń atıńdı húrmet etemiz.

Iyshaya 26:13

I run in the path of your commandments, for you have set my heart free.

Psalms 119:32