Saturday, December 6, 2025

Bizler xızmetimizdi uqıplı bolǵanımız sebepli atqarıp atırmız, demekshi emespen. Bizlerdegi bar uqıp ózimizden shıqpaǵan, al Qudaydan berilgen.

2 Korinfliler 3:5

Yaqıya bılay dep juwap berdi: – Qudaydan berilmese, adam ózine hesh nárse ala almaydı.

Yuxan 3:27

Eger Meni Jibergen Ákem alıp kelmese, hesh kim Maǵan kele almaydı, al Maǵan kelgendi aqırǵı kúni tiriltemen.

Yuxan 6:44

Olar bárqulla Mennen qorqıp jasaytuǵın bir maqsetke baǵdarlanǵan jol beremen. Bul olardıń ózleri ushın da, ózlerinen keyingi balaları ushın da jaqsı boladı.

Eremiya 32:39

Súyikli tuwısqanlarım, aldanbańlar! Hár qanday jaqsı hám minsiz sıy joqarıdan, nurlar Ákesi bolǵan Qudaydan keledi. Onda hesh qanday ózgeris yamasa ózgeriwshi kóleńke joq. Onıń jaratqanlarınıń arasında birinshi miyweleri bolıwımız ushın, Ol Óz qálewi boyınsha bizlerdi haqıyqat sózi menen ómirge eristirdi.

Yaqıp 1:16-18

Sebebi bizler Qudaydıń dóretpesimiz. Ózi aldın ala tayarlaǵan jaqsı islerin islep jasawımız ushın, Ol bizlerdi Masiyx Iysa arqalı jarattı.

Efesliler 2:10

Jaratqan Iye! Sen bizlerge tınıshlıq bereseń. Islegen barlıq islerimizdi bizler ushın júzege asırǵan Senseń.

Iyshaya 26:12